އިސްރާއީލުން ހިންގާ ޖެނޮސައިޑްގައި ދައުލަތުގެ ސިޔާސަތެއްގެ ގޮތުގައި ފަލަސްޠީނު މީހުންނަށް އަނިޔާ ކުރުން ހިމެނޭ ކަމަށް އދން އާންމު ކުރި ރިޕޯޓެއްގައި ބުނެފިއެވެ.
މި ރިޕޯޓް އެކުލަވާފައި ވަނީ އަނިޔާއާ ދެކޮޅަށް އެކުލަވާލާފައިވާ މުއާހަދާގައި ބައިވެރިވާ ގައުމުތަކުން އިންތިޚާބުކުރާ މިނިވަން 10 ތަޖުރިބާކާރުންގެ މައްޗަށް އެކުލެވޭ ކޮމިޓީ އެގޭންސް ޓޯޗާ (ސީއޭޓީ) އިންނެވެ.
މި ރިޕޯޓްގައި 10 ނުކުތާއެއް ފާހަގަ ކޮށްފައި ވެއެވެ:
- ހަމާސްގެ ހަމަލާގައި މަރުވި މީހުންނަށްޓަކައި އިޒްރޭލަށް ތައުޒިޔާ ފާޅުކޮށްފައި ވެއެވެ.
- ޣައްޒާގައި އިސްރާއީލުން ހިންގި އަސްކަރީ އޮޕަރޭޝަނަށް ފާޑުކިޔައިފައި ވެއެވެ. އާންމުންނަށް ލިބުނު ގެއްލުންތައް ފާހަގަ ކޮށްފައި ވެއެވެ.
- އިސްރާއީލުގެ ޖަލުތަކުގައި ހިންގާ އަނިޔާވެރި ކަމާއި ޖަލުތަކުގެ ދަށުދަރަޖައިގެ ހާލަތާ މެދު އިންޒާރު ދީފައި ވެއެވެ.
- ވަގަށް ނަގައިގެން ރަހީނު ކުރާ ފަލަސްޠީނު މީހުންނާ ގުޅޭ ތަހުގީގުތަކުގެ އުސޫލުތަކާ ގުޅޭ ކަންބޮޑުވުންތަކަށް އަލިއަޅުވާލާފައި ވެއެވެ. އޭގެ ތެރޭގައި އިސްރާއީލުން ގެންގުޅޭ ސިއްރު އަނިޔާވެރި ކަންކަމަށް ފާޑު ކިޔާފައި ވެއެވެ.
- ފަލަސްޠީނު މީހުންނށް ކުރާ އަނިޔާތައް ތަހުގީގު ކުރުމަށް މިނިވަން ކޮމިޝަނެއް އުފެއްދުމަށް އިލްތިމާސްކޮށްފައިވެއެވެ.
- ފަލަސްޠީނު މީހުންނަށް އަނިޔާ ކުރާ ޔަހޫދީންގެ އިސް އޮފިޝަލުންގެ ކުށްވެރިންގެ މައްޗަށް ދައުވާ ކުރުމަށް ގޮވާލައިފައިވެއެވެ.
- ޣައްޒާއަށް ވަގުތުން އިންސާނީ އެހީ ފޯރުކޮށްދިނުމަށް ގޮވާލާފައި ވެއެވެ.
- އެއްވެސް ހާލަތެއްގައި އަނިޔާ ކުރުން އިސްތިސްނާ ކުރެވޭނެ ހާލަތެއް ނޯންނާނެ ކަމަށް ބުނެފައި ވެއެވެ.
- މީގެ ކުރިން އދ.ން ދީފައިވާ ލަފާތަކަށް އިސްރާއީލުން ފިޔަވަޅު ނާޅާކަން ފާހަގަ ކޮށްފައި ވެއެވެ.
- މި ރިޕޯޓުގައި ވަނީ އިސްރާއީލުން ރައްދުދިނުމުގައި ބައިނަލްއަގްވާމީ ގާނޫނުތައް ދަމަހައްޓަން ބާރު އެޅުމަށް ގޮވާލާފައެވެ.






