ބަންގްލަދޭޝްގެ އަމިއްލަ މެޑިކަލް ކޮލެޖުތަކަށް ބޭރު ގައުމުތަކުން ކިޔަވަން އަންނަ ދަރިވަރުންގެ އަދަދު ފާއިތުވި ތިން އަހަރުގެ ތެރޭގައި ދަށަށް ހިނގައްޖެއެވެ. ބަނގްލަދޭޝްގެ ސިއްހީ ވުޒާރާގެ ތަފާސްހިސާބުތައް ދައްކާ ގޮތުން، 2022-23 ވަނަ އަހަރު 2،074 ދަރިވަރުން އެކޮލެޖުތަކަށް ވަދެފައިވާއިރު، 2025-26 ވަނަ އަހަރު މި އަދަދު ވަނީ 1،098 އަށް ވެއްޓިފައެވެ. މިއީ ގާތްގަނޑަކަށް 50 އިންސައްތައިގެ ދަށްވުމެކެވެ.
މި ދަށްވުން މެދުވެރިވި މައިގަނޑު ސަބަބުތަކަކީ:
-
2024 ވަނަ އަހަރު ބަންގްލަދޭޝްގެ ސިޔާސީ މަސްރަހަށް އައި ބަދަލުތަކާއެކު، އިންޑިއާ އާއި ބަންގްލަދޭޝްގެ ގުޅުމަށް އައި ބަދަލުތަކުގެ ސަބަބުން އިންޑިއާ ދަރިވަރުންގެ އަދަދު މަދުވުން.
-
އިންޑިއާގައި މެޑިކަލް ކޮލެޖުތަކުގެ އަދަދު އިތުރުވެ، އެގައުމުގެ އަމިއްލަ ކޮލެޖުތަކުގެ ފީތައް ކުޑަކުރެވިފައިވުން.
-
ބަންގްލަދޭޝްގެ މެޑިކަލް އެޑިއުކޭޝަން އެކްރެޑިޓޭޝަން ކައުންސިލަށް (ބީއެމްއީއޭސީ) ވޯލްޑް ފެޑެރޭޝަން ފޯ މެޑިކަލް އެޑިއުކޭޝަންގެ (ޑަބްލިއުއެފްއެމްއީ) ރަސްމީ ބަލައިގަތުން އަދި ނުލިބި އޮތުން.
-
އިންޑިއާ އާއި ނޭޕާލްގައި ބަންގްލަދޭޝްގެ މެޑިކަލް ތައުލީމާ ގުޅޭގޮތުން ހިންގުނު ނޭދެވޭ ކެމްޕޭންތައް.
މިހާރު ބަންގްލަދޭޝް ސަރުކާރުން ވަނީ ބޭރު ދަރިވަރުން ޝައުގުވެރިކުރުމަށް ގިނަ ފިޔަވަޅުތަކެއް އަޅަން ފަށާފައެވެ. އޭގެ ތެރޭގައި ވިސާގެ ކަންކަން ފަސޭހަކުރުމާއި، ކޮލެޖުތަކަށް ވަނުމަށް ބޭނުންވާ ޝަރުތުތައް ކުޑަކުރުން ހިމެނެއެވެ. މީގެ އިތުރުން، ބީއެމްއީއޭސީއަށް ބައިނަލްއަގްވާމީ ފެންވަރުގެ ސަނަދު ބަލައިގަތުން ހޯދުމުގެ މަސައްކަތްތައް ކުރަމުންދާ ކަމަށާއި، ކުރިއަށް އޮތް ތަނުގައި އިންޑޮނޭޝިއާ އާއި ދެކުނު އެފްރިކާ ރާއްޖެ ފަދަ އާ މާކެޓުތަކަށް ވެސް އަމާޒު ހިފާފައިވާ ކަމަށް އޮފިޝަލުން މައުލޫމާތު ދެއެވެ.
