ކޮންގޯގެ ޖަންގަލިތަކުން އާ ވައްތަރެއްގެ ރާމާމަކުނެއް ސައިންސްވެރިން ހޯދައިފިއެވެ. މި ހޯދުން ހޯދާފައިވަނީ ފްލޮރިޑާ އެޓްލާންޓިކް ޔުނިވާސިޓީގެ ދިރާސާވެރިންނެވެ.
މި ހޯދުމުގެ މުހިންމު ނުކުތާތައް:
-
މި ރާމާމަކުނުގެ ހަމުގައި ފަނޑު ކުލައިގެ ލައްތަކެއް ހުރެއެވެ.
-
މިއީ ފާއިތުވި 75 އަހަރުގެ ތެރޭގައި އެފްރިކާ ބައްރުން ފެނުނު ފަސްވަނަ އާ ރާމާމަކުނުގެ ވައްތަރެވެ.
-
ސައިންސްވެރިން މި ރާމާމަކުނަށް ދީފައިވާ ސައިންޓިފިކް ނަމަކީ (ކޮލޮބަސް ކޮންގޮއެންސިސް) އެވެ. މި ސަރަހައްދުގެ މީހުން މި ވައްތަރުގެ މަކުނަށް ކިޔަނީ (ލިކުއިލީ) އެވެ.
-
މި ރާމާމަކުނަކީ ކުޑަ ވައްތަރެއްގެ އެއްޗެކެވެ. މީގެ މޫނުމަތީގައި "މާސްކެއް" ފަދަ ސިފައެއް ހުރެއެވެ. އަދި އޭގެ އަނގަޔާއި ނޭފަތުގެ ވަށައިގެން އޮރެންޖް ކުލައިގެ ފަނޑު ލައްތަކެއް ފާހަގަކުރެވެއެވެ.
-
ދިރާސާތަކުން ދައްކާ ގޮތުގައި، މި ރާމާމަކުނުގެ އަޑު އެހެން ވައްތަރުތަކާ ޚިލާފަށް ވަރަށް ޚާއްސަ ސިފަތަކެއް އެކުލެވިގެންވެއެވެ.
ދިރާސާވެރިން ވަނީ މި ރާމާމަކުނު މިހާރު ވެސް ނެތިގެން ދިއުމުގެ ބިރު ހީވެފައިވާކަމުގެ އިންޒާރު ދީފައެވެ. ސަބަބަކީ، މިއީ ވަރަށް ކުޑަ ސަރަހައްދެއްގައި އުޅޭ، އަދި އާބާދީގެ ގޮތުން ވެސް މަދު އެއްޗަކަށް ވާތީއެވެ. އެހެންކަމުން، ބައިނަލްއަގުވާމީ ގޮތުން އެކުލަވާލާފައިވާ އެންމެ ނެތިދިއުމުގެ ބިރުހީވެފައިވާ ދިރޭތަކެތީގެ "ރެޑް ލިސްޓް"ގައި މި ވައްތަރު ހިމެނުމަށް ދިރާސާވެރިން ވަނީ ހުށަހަޅާފައެވެ.
