މިއީ ނެދަލޭންޑްސްގެ އެންމެ މަޝްހޫރު އެއް ފަތުރުވެރި މަންޒިލް ކަމަށްވާ "ގީތޯން" އަވަށުގެ ކޯރުތަކުގައި ފަތުރުވެރިން އުފާ ހޯދަމުން ދާ މަންޒަރެވެ. "ނެދަލޭންޑްސްގެ ވެނިސް" ގެ ނަމުން މަޝްހޫރު މި އަވަށަކީ، ދުވަސްވީ ލަކުޑި ފާލަންތަކާއި، ހިތްގައިމު ގެތަކުގެ ދޭތެރެއިން ބޮއްކުރާގައި ދަތުރުކުރާ، ހިތްގައިމު މާހައުލެއް އޮންނަ ތަނެކެވެ.
ގީތޯން އަކީ އާންމުކޮށް ގިނަ އަވަށެއްގައި ހުންނަހެން މަގުތައް ހުންނަ ތަނެއް ނޫނެވެ. މި އަވަށުގެ ހިތްގައިމުކަން އިތުރުކޮށްދޭ މައިގަނޑު ސަބަބުތަކަކީ:
-
މަގުތަކުގެ ބަދަލުގައި ކޯރުތައް: މި އަވަށުގައި ދަތުރުކުރުމަށް ގިނައިން ބޭނުންކުރަނީ ކޯރުތަކެވެ. އެއްތަނުން އަނެއް ތަނަށް ދިއުމަށް "ވިސްޕަރ ބޯޓްސް" ނުވަތަ އަޑު މަޑު އިންޖީނުލީ ބޮއްކުރާ ބޭނުންކުރެއެވެ.
-
ތާރީޚީ ގެތައް: މި އަވަށުގައި ހުންނަނީ 18 ވަނަ އަދި 19 ވަނަ ގަރުނުގެ ސްޓައިލަށް ހަދާފައިވާ، ވިނަ އަޅާފައިވާ ފުރާޅުތައް ހުންނަ ހިތްގައިމު ގެތަކެވެ.
-
ފާލަންތައް: 170 އަށްވުރެ ގިނަ ލަކުޑި ފާލަންތައް މިއަވަށުގައި ހުރެއެވެ. މިއީ ފަތުރުވެރިން ފޮޓޯ ނެގުމަށާއި ހިނގާލުމަށް ވަރަށް ހިތްގައިމު ތަންތަނެވެ.
-
ކާރުތައް މަނާ: އަވަށުގެ މައި ސަރަހައްދުތަކުގައި ކާރު ދުއްވުން މަނަލެވެ. ބެޓެރި ކާރުވެސް މެއެވެ. މިއީ ވެހިކަލްތަކުގެ ދުމާއި އަޑުފައްގަނޑުން ދުރުވެ، ހަމަހިމޭން މާހައުލެއް ބޭނުންވާ މީހުންނަށް އެންމެ އެކަށީގެންވާ ތަނެވެ.
-
ފަތުރުވެރިކަމުގެ ސީޒަން: ހޫނު މޫސުމުގައި މި އަވަށަށް ޒިޔާރަތްކުރާ މީހުންގެ އަދަދު ވަރަށް ގިނައެވެ. އެހެންކަމުން، ގިނަ ބަޔަކު އިހްތިޔާރު ކުރަނީ ބަހާރު މޫސުމުގައި ނުވަތަ ހޫނު މޫސުމުގެ ކުރީކޮޅުގައި ޒިޔާރަތްކުރުމަށެވެ.
މިއީ ހަމަހިމޭންކަމާއި، ގުދުރަތީ ރީތިކަމާއި، ޓެކްނޮލޮޖީއާ ދުރު ރީތި މާހައުލެއް ހޯދަން ބޭނުންވާ ފަރާތްތަކަށް ޔޫރަޕްގައި އޮތް އެންމެ ރީތި "ފޮރުވިފައިވާ" މަންޒިލެވެ.
