ޗައިނާގެ ހެކަރުން ވަނީ އެމެރިކާގެ ސިޔާސީ ފަރާތްތަކުގެ ފޯނު ކޯލްތަކުން އޯޑިއޯ އެއްކޮށްފައިވާ ކަމަށް ވޮޝިންޓައިމްސް އިން މަސްއޫލުވެރިންނާ ޙަވާލާދީ ބުނެއެވެ. ހެކަރުން ކުޅެފައިވާ އެއް ފޯނަކީ އެމރިކާގެ ރިއާސީ ކެންޑިޑޭޓް ޓްރަމްޕްގެ ގާތް ފަރާތެއްގެ ފޯނެކެވެ.
މި ހެކަރުންނަކީ އެމެރިކާގެ މަސްއޫލުވެރިން، ބުނާ ޗައިނާ ސޯލްޓް ޓައިފޫންގެ ހެކަރުންގެ ގްރޫޕެކެވެ. ތުހުމަތު ކުރެވޭ ގޮތުގައި މިމީހުންނަކީ، ޗައިނާ ސަރުކާރާ ގުޅުން ހުރި ގްރޫޕެކެވެ.
މީގެ މަސްތަކެއް ކުރިން ކުރިއަށް ގެންދިޔަ، ޖާސޫސީ އޮޕަރޭޝަނެއްގެ ތެރެއިން ގިނަ ފޯނު ކޯލްތަކުން އޯޑިއޯ އެއްކުރެވުނު ކަމަށް ބެލެވެއެވެ. އަދި އެމެރިކާގެ ތަހުގީގީ އިދާރާތަކުން ދަނީ މި މައްސަލަ ތަހުގީގު ކުރަމުންނެވެ. އެހެންވެ، ނަން ނުޖެހުމަށް ޝަރުތުކޮށް ވާހަކަ ދެއްކި އިތުރު މައުލޫމާތު ދޭން އުޒުރުވެރިވެފައި ވެއެވެ. ތަހުގީގު ކުރާ ފަރާތްތަކުން ދަނީ ހެކަރުންނަށް ލިބިފައިވަނީ ކިހާ އޯޑިއޯއެއްތޯވެސް ދަނީ ބަލަމުންނެވެ.
މިމީހުންނަށް ހެކް ކުރެވިފައި ނުވަނީ، ސިގްނަލް ޕްލެޓްފޯމްގައި ހުންނަ އެންޑް ޓު އެންޑް އެންކްރިޕްޓް ކޮމިއުނިކޭޝަންތައް ކަމަށްވެސް އެފަރާތްތަކުން ބުނެއެވެ.
