ޓެރަރިޒަމް އިތުރުވުމާއި ތައުލީމީ އިންފްރާސްޓްރަކްޗާ ހަލާކު ވަމުންދާތީ ޕާކިސްތާނުގެ ހަމަޖެހުމާއި ތަރައްގީއަށް ނުރައްކާ ވެފައި ވެއެވެ.
ޕާކިސްތާނުން ދޑަބަލް ކާރިސާއަކާ ކުރިމަތިލަމުންނެވެ. ޗައިނާއާއި އެމެރިކާއަށް ވެސް ސްޓްރެޓެޖިކް އިގްތިސާދީ ބައިވެރިއެއްގެ ގޮތުގައި ޕޮޒިޝަން ކުރުމަށް މަސައްކަތް ޕާކިސްތާން ކުރި ނަމަވެސް، ޚާއްސަކޮށް ތާލިބާނުންނާ ގުޅިފައިވާ މިހާރު ހިނގަމުންދާ ހަމަނުޖެހުންތަކުން ޕާކިސްތާންގެ މި އުންމީދުތަކަށް ބުރޫއަރައެވެ.
ތަހްރީކޭ ތާލިބާން ޕާކިސްތާން (ޓީޓީޕީ) އިން ދެމުންދާ ހަމަލާތަކުގެ ސަބަބުން ހުޅަނގު އުތުރުގެ ސަރަހައްދުތަކުގައި ކުރިމަތިވެފައިވާ ސަލާމަތީ ނުރައްކާތައް ބޮޑު ވެފައި ވެއެވެ.
ޕާކިސްތާން އިންސްޓިޓިއުޓް ފޯ ކޮންފްލިކްޓް އެންޑް ސެކިއުރިޓީ ސްޓަޑީޒް އިން ބުނާ ގޮތުގައި 2024 ވަނަ އަހަރުގެ ފުރަތަމަ ދިހަ މަސް ދުވަހުގެ ތެރޭގައި ހަތިޔާރު އެޅި 785 ހަމަލާ ދީފައިވެއެވެ.
އޭގެ ސަބަބުން 951 މީހުން މަރުވެ 966 މީހުން ޒަހަމްވެފައިވެ އެވެ. 2021 ވަނަ އަހަރު އަފްޣާން ތާލިބާނުން ވެރިކަމަށް އައި ފަހުން ޓީޓީޕީގެ އޮޕަރޭޝަންތައް ވަރުގަދަކޮށްފައިވެއެވެ.
އިސްލާމްއާބާދުން ވަނީ ކާބުލްގައި ޕާކސްތާނަށް ހަމަލަ ދޭ ހަނގުރާމަވެރިން ދިރިއުޅެމުންދާ ކަމަށް ތުހުމަތުކޮށްފަ އެވެ. މި އަނިޔާވެރިކަމުގެ މަރުވާ މީހުންގެ މިސާލަކީ ނޮވެމްބަރު މަހުގެ ހަތް ވަނަ ދުވަހު ދެކުނު ވަޒީރިސްތާނުގައި މަގުމަތީގައި ބޮމެއް ގޮއްވާލުމުން ސިފައިން ގެ 4 މީހަކު މަރުވިއިރު، ޓިރާ ވެލީގައި ސްކޫލް ދެ ކުދިނަށް ހަމަލަ ދިން ހާދިސާއެވެ.
ބޮޑުވަޒީރު ޝަހުބާޒް ޝަރީފް ވަނީ މި އަމަލުތައް ކުށްވެރިކުރައްވައި، ޓެރަރިޒަމް ނައްތާ ނުލެވޭހާ ހިނދަކު ހަނގުރާމަ ކުރިއަށް ގެންދިއުމަށް ވައުދުވެވަޑައިގެންފައެވެ.
ސަލާމަތީ ދަތިކަމުން ޕާކިސްތާނުގެ ތައުލީމީ ނިޒާމަށް ބުރޫ އަރައެވެ. ޚާއްސަކޮށް ސްވަތު ފަދަ ދުރު ސަރަހައްދުތަކުގައި މީހުން ނުތަނަވަސް ވެއެވެ.
ނޮވެމްބަރު 2024 ގައި ކުރިއަށް ގެންދިޔަ ސާވޭއަކުން ދައްކާ ގޮތުގައި ވެރިރަށްތަކުގެ އިމާރާތްތަކުގެ %80 އަކީ ރައްކާތެރި ނޫން އިމާރާތްތަކެއް ކަމަށް ދަރިވަރުންނާއި މުވައްޒަފުން ފާހަގަ ކޮށްފައި ވެއެވެ.
