ދުނިޔޭގެ އޭއައި ޗިޕް އުފައްދާ އެންމެ ބޮޑު ކުންފުނި ކަމަށްވާ އެމެރިކާގެ އެންވީޑިއާގެ ބާނީ އަދި ޗީފް އެގްޒެކެޓިވް އޮފިސަރު ޖެންސަން ހުއާންގް، އަކީ ޗައިނާގެ ޖާސޫސީ އިދާރާތަކުގެ އަމާޒަކަށް ވެފައިވާ މީހެއް ކަމަށް ބުނާ ރިޕޯޓުތަކަކާ ގުޅިގެން އޭނާ މަޤާމުން އިސްތިއުފާ ދެއްވައިފިއެވެ.
ބުރާސްފަތި ދުވަހު އެންވީޑިއާއިން ނެރުނު ބަޔާނެއްގައި ހާމަކޮށްފައިވާ ގޮތުގައި، ހުއާންގް ވަނީ ކުންފުނީގެ ރައީސްކަމާއި، ސީއީއޯކަމުގެ އިތުރުން ބޯޑު މެންބަރުކަމުންވެސް އިސްތިއުފާ ދެއްވާފައެވެ. މި ބަދަލާއެކު، ކުންފުނީގެ ޗީފް ފައިނޭންޝަލް އޮފިސަރު ކޮލެޓް ކްރެސް ވަނީ ވަގުތީ ސީއީއޯގެ މަޤާމަށް އައްޔަންކޮށްފައެވެ. އޭނާ ވަގުތީ ސީއީއޯގެ މަސްއޫލިއްޔަތު އަދާކުރައްވާނީ މާލީ އިދާރާގެ އެންމެ އިސްވެރިޔާގެ ޒިންމާތަކާއެކުގައެވެ. އަދި ކުންފުނީގެ އެތެރެއިންނާއި ބޭރުން ދާއިމީ ސީއީއޯއަކު ހޯދުމުގެ މަސައްކަތް މިހާރު ފަށާފައިވާ ކަމަށް އެ ބަޔާނުގައިވެއެވެ.
މި އިސްތިއުފާ އައިސްފައިވަނީ ހުއާންގްގެ މުސްތަޤުބަލާ މެދު ގޮތެއް ނިންމުމަށް އެންވީޑިއާގެ ޑިރެކްޓަރުންގެ ބޯޑުން ބޭއްވި ޚާއްސަ ބައްދަލުވުމަކަށްފަހުގައެވެ. 1993 ވަނަ އަހަރު އެންވީޑިއާ އުފެއްދުމުގައި އިސްކޮށް ހުންނެވި ހުއާންގްގެ އިސްތިއުފާއާއެކު، އާޓިފިޝަލް އިންޓެލިޖެންސް ތަރައްޤީކުރުމަށް ބޭނުންވާ ޗިޕް އުފެއްދުމުގެ ދާއިރާގައި އެންމެ ކުރީގައި އޮތް ކުންފުންޏަށް އޭނާ ކޮށްދެއްވި 30 އަހަރުގެ ޚިދުމަތަށް މިވަނީ ނިމުމެއް އައިސްފައެވެ. މި ޚަބަރާއެކު، އިންވެސްޓަރުންގެ މެދުގައި ކުންފުނީގެ ލީޑަރޝިޕާ މެދު ކަންބޮޑުވުން އުފެދި، ވޯލް ސްޓްރީޓްގެ މާކެޓް ހުޅުވުމުގެ ކުރިން ކުރެވުނު މުޢާމަލާތްތަކުގައި އެންވީޑިއާގެ ހިއްސާގެ އަގު ވަނީ ގާތްގަނޑަކަށް 10 އިންސައްތަ ދަށަށް ގޮސްފައެވެ.
