އިންޑިއާގެ ކޮޗިން ޔުނިވާސިޓީއިން އެމްއެންޔޫގެ ދަރިވަރުންނަށް އިންތިޒާމު ކޮށްދީފައިވާ ދަތުރެއްގައި އެ ޔުނިވާސިޓީގެ ދަރިވަރުން ކޮއްޗިންއަށް ޒިޔާރަތް ކޮށްފިއެވެ. މި ދަތުރުގައި ބައިވެރި ވެފައި ވަނީ އެމްއެންޔޫގެ މާސްޓަރ އޮފް އާޓްސް އިން ޕޮލިޓިކަލް ސައިންސާއި މާސްޓަރ އޮފް އާޓްސްއިން ސޯޝަލް ޕޮލިސީގެ ރޮނގުން ކިޔަވާ ދަރިވަރުންނެވެ.
މި ދަތުރުގައި ދަރިވަރުން ކޮއްޗިންގައި ދެމެހެއްޓެނިވި ތަރައްޤީގެއ މަޝްރޫޢުތައް ހިންގާ ތަންތަނަށް ޒިޔާރަތް ކޮށް އެތަންތާނގައި ކުރާ މަސައްކަތާ ބެހޭ މަޢުލޫމާތު ހޯދާނެއެވެ.
ދުނިޔޭގައި ގާއިމް ކުރި އިރުގެ އަވިން ހަކަތަ އުފައްދައިގެން ހިންގާ ފުރަތަމަ އެއާޕޯޓަކީ ކޮއްޗިން އެއާޕޯޓެވެ. މި ދަތުރުގައި ދަރިވަރުން އެއާޕޯޓަށް ޒިޔާރަތްކޮށް މަޢުލޫމާތު ހޯދާނެއެވެ. އަދި ކޮއްޗިންގެ އައްސޭރިފަށް ގުޅުވާލާ، ވޯޓަމެޓްރޯ މަޝްރޫޢުގެ މަސައްކަތް ބަލާލާނެ ކަމަށްވެސް އެމްއެންޔޫއިން ބުނެއެވެ.
މިއީ 4 ދުވަހުގެ ދަތުރެކެވެ.
