އެލޮން މަސްކާއި ރައީސް ޑޮނަލްޑް ޓްރަމްޕާ ދެމެދު އޮތް ޚިލާފު ތަފާތުވުން އާންމުންގެ ސަމާލުކަމަށް ގެނަސްފައެވެ. އޭނާ ވަނީ ޓްރަމްޕްގެ "ބިގް ބިއުޓިފުލް ބިލް" އަކީ "ވިޔާނުދާ ބިލެއް" ކަމަށް ބުނެ، އެއީ އެމެރިކާ އިފްލާސްކުރުވަފާނެ އެއްޗެއް ކަމަށް ބުނެ ފާޑުކިޔާފައެވެ. 4 ޖޫން ގައި އެކްސްގައި ކުރި ޕޯސްޓްތަކެއްގައި މަސްކް ވަނީ މި ބިލުގައި ހިމަނާފައިވާ ބޮޑެތި ޚަރަދުތަކުގެ ސަބަބުން އެމެރިކާ "ދަރަނީގެ އަޅުވެތިކަމަކަށް" ވެއްޓި، ސޯޝަލް ސެކިއުރިޓީ، ޞިއްޙީ ޚިދުމަތްތައް އަދި ދިފާޢީ ކަންކަމަށް ބޭނުންވާ ފައިސާ ހުސްވެގެން ދާނެ ކަމަށް އިންޒާރުދީފައެވެ. މި ބިލު ވަނީ ހައުސްއިން ފާސްކޮށްފައެވެ. ނަމަވެސް ސެނެޓްގައި ވަނީ ތާށިވެފައެވެ.
ރިޕަބްލިކަން ޕާޓީގެ ބައެއް މެމްބަރުން، މިސާލަކަށް ރެޕްރެޒެންޓެޓިވް މާޖަރީ ޓެއިލަރ ގްރީން، ވަނީ ބިލުގައި ސިއްރުކޮށްފައިވާ ބައެއް މާއްދާތައް، ޚާއްޞަކޮށް ސްޓޭޓްތަކުގައި މަސްނުއީ ބުއްދި މަބު، ކޮންޓްރޯލު ކުރުމަށް ހިމަނާފައިވާ ބައެއް ކަންކަން ފާހަގަ ކޮށް ފާޑު ކިޔުމަށްފަހު މަސްކަށް ސަޕޯޓުކޮށްފައެވެ.
ގްރީން ވަނީ މިކަން ކުރިން އެނގުނުނަމަ މި ބިލަށް ވޯޓު ނުދޭނެ ކަމަށް ބުނެފައެވެ. ކުރިން ގާތް އެކުވެރިންގެ ގޮތުގައި ތިބި މަސްކާއި ޓްރަމްޕްގެ ދެމެދުގައި ވިސްނުން ކަފިވެފައިވާ ކަން މިހާރު އެނގެއެވެ.
މިދިޔަ މަހު ޑިޕާޓްމަންޓް އޮފް ގަވަރންމަންޓް އެފިޝެންސީގެ މަޤާމުން މަސްކު ވަނީ އުޒުރު ދައްކައިގެން ވަކިވެފައެވެ.
