ޕާކިސްތާނުގެ ޚައިބަރު ޕަޚްތުންޚުވާ ސަރަހައްދުގެ މެޓްރިކިއުލޭޝަން އިމްތިހާނުތަކުގެ ނަތީޖާ ދަށްވުމާ ގުޅިގެން އެ ސަރަހައްދުގެ 15 ސްކޫލެއްގެ ޕްރިންސިޕަލުން ވަޒީފާއިން ވަކިކޮށްފި އެވެ. މި ފިޔަވަޅު އަޅާފައިވަނީ މި އަހަރުގެ އެސްއެސްސީ އިމްތިހާނުތަކުގެ ނަތީޖާ ދަށްވުމާ ގުޅިގެންނެވެ. ސެޕްޓެމްބަރު 4 ވަނަ ދުވަހު ނެރުނު އިއުލާނެއްގައި މިޕްރިންސިޕަލުން ވަކި ކުރިކަން ވަނީ އަންގާފައެވެ. މީގެ އިތުރުން އެހެނ ްބައެއް ސްކޫލުތަކުގެ ޕްރިންސިޕަލުން ވަނީ ސަސްޕެންޑް ކުރެވިފައެވެ.
ލޭބަރ މިނިސްޓަރު ފަޒަލް ޝަކޫރު ހާން ވިދާޅުވި ގޮތުގައި މި ސްކޫލުތަކުގެ ނަތީޖާ ވަނީ 0 އިންސައްތައިގައެވެ. އަދި މިނިސްޓަރު ފާހަގަކުރެއްވި ގޮތުގައި އިސްލާމް މާއްދާއާއި ޕަޝްތޯ ބަހުގެ މާއްދާ ފިޔަވައި އެހެން މާއްދާތައް ކިޔަވައިދޭ ޚާއްސަ ޓީޗަރުންގެ އަދަދުގެ މަދުކަން ވަރަށް ބޮޑަށް ދިމާވެފައިވެއެވެ.
