ޕާކިސްތާންގެ ބޮޑުވަޒީރު ޝެހްބާޒް ޝަރީފްގެ ގާތް ބޭފުޅެއް ކަމަށްވާ ތަލާލް ޗައުދަރީ ވަނީ ޓެރަރިޒަމަށް ހިތްވަރު ދިނުމާއި ފައިސާ ހޭދަ ކުރުމުގެ ތުހުމަތުގައި ޖަލަށް ލާފައިވާ ހާފިޒް ސައީދު ގެ ޖަމާޢަތުއްދަވާ ގެ ލީޑަރުންނާ މަޝްވަރާ ކުރައްވާފައި ކަމަށް މީޑިއައިން ބުނެއެވެ. ރިޕޯޓްތައް ބުނާ ގޮތުގައި މި ބައްދަލުވުމުގައި ޗައުދަރީ އަލިއަޅުވާލައްވާފައިވަނީ "މުހިއްމު މައްސަލަތަކަށް" ކަމަށް ސިފަ ކޮށްފައިވާ ވާހަކަތަކަށެވެ. ޖަމައަތުއް ދައުޥާއަކީ ޓެރަރިސްޓް ޖަމައަތްތަކުގެ ލިސްޓުގައި ހިމެނިފައިވާ ލަޝްކަރޭ ތައްޔިބާގެ ޖަމާއަތެއް ކަމަށް ބެލެވޭ ޖަމާއަތެކެވެ.
މި މަޝްވަރާތަކުގެ ފުރިހަމަ އެޖެންޑާ އޮފިޝަލުން ހާމަކޮށްފައެއް ނުވެއެވެ. ނަމަވެސް މަސްދަރުތަކުން ބުނާ ގޮތުގައި ޗައުދަރީގެ ބައްދަލު ކުރެއްވުމުގެ މަގުސަދަކީ މުޖުތަމައުގެ ފެންވަރުގެ ސިޔާސީ ކަންބޮޑުވުންތަކަށް ހައްލެއް ހޯދައި ސިޔާސީ މަޝްވަރާއަށް ހައްލު ހޯދުމެވެ. މި ކަމަކީ ހަރުކަށި ފިކުރުގެ ނެޓްވޯކްތައް ހުއްޓުވައި، ޓެރަރިޒަމާ ދެކޮޅަށް ސަރުކާރުން މަސައްކަތް ކުރާ ކަން ސާބިތުކޮށް ދިނުމަށް ކުރާ މަސައްކަތެއް ކަމަށް ބެލެވެއެވެ.
އިދިކޮޅު ޕާޓީތަކުން މި ބައްދަލުވުމަށް ފާޑުކިޔައިފައި ވެއެވެ. އަދި، މިއީ ގައުމުން ބޭރުގައި ޕާކިސްތާނުގެ އިތުބާރު ގެއްލިގެންދާ "ނުރައްކާތެރި ސިގްނަލެއް" ކަމަށް ބުނެފައި ވެއެވެ. "މަނާ ޖަމާއަތްތަކާ ގުޅުން ބަދަހި ކުރުމުން ޕާކިސްތާނު ސަރުކާރުން ދުނިޔެއަށް ފޮނުވަނީ ގޯސް މެސެޖެއް،" އިދިކޮޅު އެއް ލީޑަރަކު ވިދާޅުވި އެވެ.
