އައި.އާރް.ޖީ.ސީ އިން ދިން ބަދަލުހިފުމުގެ އެންމެ ފަހުގެ ޙަމަލާތަކުގައި ސަރަޙައްދުގެ އެކި ހިސާބުތަކުގައި ހުރި ދުޝްމަނުންގެ ބައެއް މަޤާމުތަކަށް ޙަމަލާދީ، ޖޯޑަންގައި ހުންނަ އެމެރިކާގެ ބޭހަކުން އެމެރިކާގެ ސިފައިންގެ ދެ ބޯޓު ސުންނާފަތިކޮށްލައި، އިތުރު ބައެއް ބޯޓުތަކަށް ބޮޑެތި ގެއްލުންތަކެއް ދީފިއެވެ.
ހޯމަ ދުވަހު ނެރުނު ބަޔާނެއްގައި، އިސްލާމިކް ރިވޮލިއުޝަނަރީ ގައިޑް ކޯޕްސް (އައި.އާރް.ޖީ.ސީ) އިން އިޢުލާނުކޮށްފައިވާ ގޮތުގައި، "އޮޕަރޭޝަން ނަޞްރު-2″ ގެ 21 ވަނަ ރާޅުގައި، އެ ޖަމާޢަތުގެ އެރޯސްޕޭސް ފޯސްއިން ވަނީ، އެ ޢަރަބި ޤައުމުގެ ރައްޔިތުންގެ ފަރާތުން ލިބުނު މަޢުލޫމާތުގެ އަލީގައި، ޖޯޑަންގެ ޢަޤަބާ އެއާޕޯޓުގައި އޮތް ދުޝްމަނުންގެ ސީ-17 މުދާ އުފުލާ ބޯޓަކަށާއި ޕީ-8 ކޮމާންޑް-އެންޑް-ކޮންޓްރޯލް ބޯޓަކަށް ބެލިސްޓިކް މިސައިލުން ކާމިޔާބު ޙަމަލާތަކެއް ދީފައެވެ.
އީރާނާ ދެކޮޅަށް ކުރިއަށް ގެންދާ ތިންވަނަ މަޖުބޫރު ސޮލީބީ ހަނގުރާމައިގައި ޝަހީދުވި އަންހެން ކުދިންނަށް މި އޮޕަރޭޝަން ޚާއްޞަކުރަމުން އައި.އާރް.ޖީ.ސީ އިން ބުނީ، މި ޙަމަލާގައި މަދުވެގެން ދުޝްމަނުންގެ ދެ ޖެޓާއި އަސްކަރީ އިތުރު ތިން ބޯޓު މުޅިން ސުންނާފަތިވެފައިވާ ކަމަށާއި، އަދި އިތުރު ބޯޓުތަކަކަށް ބޮޑެތި ގެއްލުންތަކެއް ދީފައިވާ ކަމަށެވެ.
ޖޯޑަންގެ ރައްޔިތުން "ދިން އެއްބާރުލުމަށް" ޝުކުރު އަދާކުރަމުން އައިއާރްޖީސީގެ ބަޔާނުގައި ބުނެފައިވަނީ، އެމީހުން ފޯރުކޮށްދިން ޖާސޫސީ މަޢުލޫމާތުގެ ސަބަބުން އަލްއަޒްރަޤް ސަރަޙައްދުގައި ހުރި އެމެރިކާގެ މަޤާމުތަކަށް މީގެ ކުރިން މިސައިލް ޙަމަލާތައް ދިނުމަށް އައި.އާރް.ޖީ.ސީ އަށް މަގުފަހިވި ކަމަށެވެ. އަދި އެ ޙަމަލާގައި "ކުޑަކުދިން މަރާ އެމެރިކާ ލަޝްކަރުގެ 20 މަޤާމެއް ހަލާކުކޮށްލައި، އޭގެ ތެރެއިން އެތައް ބަޔަކު މަރާލެވުނު" ކަމަށްވެސް ބުނެފައިވެއެވެ.
މީގެ އިތުރުން، ވޭތުވެދިޔަ އަހަރުތަކުގައި އިސްލާމީ 10 ގިނަ ޤައުމަށް ޙަމަލާދީ، ފޭރިގެންފައިވާ ބިންތަކުގައި ފަލަސްޠީނުގެ ރައްޔިތުން މެރުމަށް ޔަހޫދީ ރެޖީމަށް ވާގިވެރިވެ، އެތައް މިލިއަން މުސްލިމުންނެއްގެ މަރުގެ ޒިންމާ އުފުލަންޖެހޭ އެމެރިކާ ސިފައިން ސަރަޙައްދަށާއި އެހެނިހެން ތަންތަނަށް ދެމުންދާ އަނިޔާތަކަށް އެ ބަޔާނުގައި އަލިއަޅުވާލާފައިވެއެވެ.
މީގެ އިތުރުން ވަކިން ނެރުނު އެހެން ބަޔާނެއްގައި، އިރާންޝަހަރުގެ ޝަހީދުވި ސިފައިންގެ ލެއަށް ބަދަލުހިފުމުގެ ގޮތުން، ސޫރިޔާގެ އައްތަންފް ސަރަޙައްދުގައި ހުރި ދުޝްމަނުންގެ ޚާއްޞަ އޮޕަރޭޝަންތަކާ ބެހޭ ކޮމާންޑް ސެންޓަރަށް ކުއްލި ޙަމަލާއެއް ދީފައިވާ ކަމަށް އައި.އާރް.ޖީ.ސީ އިން ވަނީ އިޢުލާނުކޮށްފައެވެ.
އައިއާރްޖީސީގެ ޕަބްލިކް ރިލޭޝަންސް ޑިޕާޓްމަންޓުން މަޢުލޫމާތު ދޭ ގޮތުގައި، ބާމްޕޫރުގައި ޝަހީދުވި ސިފައިންނަށް ޚާއްޞަކޮށްގެން އައި.އާރް.ޖީ.ސީ ގެ އެރޯސްޕޭސް ފޯސަސްއިން ހިންގި އޮޕަރޭޝަނެއްގައި، އެމެރިކާގެ ބައެއް ސިފައިން މަރާލުމުގެ އިތުރުން، ރާޑަރު ސިސްޓަމަކާއި ޚާއްޞަ އޮޕަރޭޝަންތަކަށް ބޭނުންކުރާ ބައެއް ހެލިކޮޕްޓަރުތައް ވަނީ ހަލާކުކޮށްލާފައެވެ.
ހުރްމުޒް ކަނޑުއޮޅި އޮތީ މުޅިންވެސް އީރާނުގެ ސިފައިންގެ ފުރިހަމަ ކޮންޓްރޯލްގެ ދަށުގައި ކަމަށާއި، އެމެރިކާއިން ހިންގާ ނުބައި ޢަމަލުތައް ހުއްޓާނުލާހާ ހިނދަކު، އެ ސަރަޙައްދުން ތެޔޮ ނުވަތަ ގޭހުގެ އެންމެ ތިއްކެއްވެސް ބޭރުކުރުމުގެ ފުރުޞަތު ނުދޭނެ ކަމަށް އެ އިޢުލާނުގައި އިތުރަށް ބުނެފައި ވެއެވެ.
މިއާއެކު، ހުރްމުޒް ކަނޑުއޮޅިން ދަތުރުކުރުން ރައްކާތެރިނޫން ކަމަށާއި އަދި ނުރައްކާތެރި މަގަކުން ދަތުރުކުރަން އުޅުނު ދެ ތެޔޮ ޓޭންކަރެއް ގޮވައި، ދަތުރުނުކުރެވޭ ވަރަށް ހަލާކުވެފައިވާ ކަމަށް އައި.އާރް.ޖީ.ސީ އިން ވަނީ ރިޕޯޓުކޮށްފައެވެ.
އައި.އާރް.ޖީ.ސީ ގެ ޕަބްލިކް ރިލޭޝަންސް ޑިޕާޓްމަންޓުން ބުނި ގޮތުގައި، އެ އުޅަނދުތަކަށް އެ މަގު ބޭނުންކުރުމަށް ހިތްވަރުދީ މަގުދެއްކީ އެމެރިކާގެ ސިފައިންނެވެ.
އީރާނުން ސަރަޙައްދުގައި ހުރި އެމެރިކާގެ ބޭސްތަކަށާއި ވަސީލަތްތަކަށް ޙަމަލާދެމުން މިދަނީ، ބައިނަލްއަޤްވާމީ ޤާނޫނުތަކާއި، އދ. ގެ ޗާޓަރާ ޚިލާފަށް، އެމެރިކާއިން އީރާނާ ދެކޮޅަށް ކުރަމުންދާ ޣައިރު ޤާނޫނީ ހަނގުރާމަ ހުއްޓާލުމަށް ސަރަޙައްދީ ބައެއް ޤައުމުތައް މެދުވެރިވެގެން ވެފައިވާ އިސްލާމްއާބާދު އެއްބަސްވުމާ ޚިލާފަށް، ޑޮނަލްޑް ޓްރަމްޕްގެ އެމެރިކާގެ ރެޖީމުން އިސްލާމީ ޖުމްހޫރިއްޔާއާ ދެކޮޅަށް އަލުން ފެށި ސޮލީބީ އުދުވާނަށް ރައްދުދިނުމުގެ ގޮތުންނެވެ.
