ޕާކިސްތާނުގެ ބަލޯޗިސްތާން ޕްރޮވިންސުގެ ކުއެޓާ-ކަރާޗީ ހައިވޭއާ ގުޅިފައިވާ މާސްޓަންގް ސަރަޙައްދުން ކާކުކަން ނޭނގޭ 6 މީހެްގެ ގަބުރު ފެނުމާ ގުޅިގެން، އެ ސަރަޙައްދުގެ ސަލާމަތީ ޙާލަތާ މެދު ބޮޑެތި ކަންބޮޑުވުންތަކެއް އުފެދިއްޖެއެވެ. "ދަ ބަލޯޗިސްތާން ޕޯސްޓް" އިން ރިޕޯޓުކޮށްފައިވާ ގޮތުގައި، މި ގަބުރުތައް ފެނިފައިވަނީ ހޮނިހިރު ދުވަހުއެވެ.
އެ ނޫހުން ރިޕޯޓުކުރިގޮތުގައި، އޭގެ ތެރެއިން އެއް ގަބުރު ފެނިފައިވަނީ ޑެޕިއުޓީ ކޮމިޝަނަރުގެ ގެކޮޅު ކައިރިންނެވެ. އަދި ބާކީ ފަސް މީހުންގެ ގަބުރު ފެނިފައިވަނީ އެ ހައިވޭގެ ސަރަޙައްދުންނެވެ.
މި ގަބުރުތައް ފެނުމާ ގުޅިގެން، ފުލުހުންގެ ދަށުން ގަބުރުތައް ވަނީ ހޮސްޕިޓަލަކަށް ގެންގޮސްފައެވެ. އަދި ޤާނޫނީ ލިޔެކިޔުންތައް ފުރިހަމަކޮށް، މަރުވި މީހުން ކާކުކަން ދެނެގަތުމުގެ މަސައްކަތް ފަށާފައިވާ ކަމަށް ރިޕޯޓުތައް ބުނެއެވެ.
ދާތޯ މޯރު ސަރަޙައްދުން ފެނުނު ފަސް ގަބުރު އެމްބިއުލާންސް ލަސްވުމުގެ ސަބަބުން ގިނަ އިރުތަކެއް ވަންދެން ހައިވޭގެ އެއްފަރާތުގައި ބާއްވާފައި އޮތް ކަމަށް ބުނެ އާންމުން ވަނީ ޝަކުވާ ކޮށްފައެވެ. ނަރުވެފައިވާތާ އެތައް ދުވަހެއް ވެފައިވާ މި ގަބުރުތައް ބޭރުފުށުން އަނިޔާގެ ނިޝާނާ ވައްތަރު ގޮތްތަކެއް ފެނިފައިވި ނަމަވެސް، މަރުވި ސަބަބު ސާފެއް ނޫނެވެ.
ޕާކިސްތާންގެ ބަލޯޗިސްތާނުގައި މީހުން ގެއްލުވައިލުމާއި، ޤާނޫނާ ޚިލާފަށް މީހުން މެރުމުގެ ތުހުމަތުތައް ސަލާމަތީ ބާރުތަކާ ދެކޮޅަށް ބަލޯޗީން ކުރެއެވެ. އަދި ދޭތެރޭ ދޭތެރޭން މުޒާހަރާތައްވެސް ބާއްވައި ހަދައެވެ. ނަމަވެސް ޕާކިސްތާނުގެ ކަމާބެހޭ ފަރާތްތަކުން މިފަދަ ތުހުމަތުތައް އަބަދުވެސް ދޮގުކުރެއެވެ.
