އެމެރިކާއިން އީރާނުގެ 27 އެއާލައިނަކަށް ދަތިކުރުމުގެ ފިޔަވަޅު އަޅައިފި

އެމެރިކާއިން އީރާނު އިނދެ ޖައްސާލުމަށް ކުރަމުންދާ މަސައްކަތުގައި އީރާނާ ގުޅުންހުރި އެއާލައިންތަކާއި ކުންފުނިތަކަށް ދަތިކުރުމުގެ އައު ފިޔަވަޅުތަކެއް އަޅައިފިއެވެ.

ވޮޝިންޓަނުގައި ނޫސްވެރިންނާ ވާހަކަދައްކަވައި އިތުރުފުޅު ހައްދަވަމުން ރައީސް ޓްރަމްޕް ވިދާޅުވީ، އީރާނުން ކުރިން ނިޔުކްލިއަރ ހަތިޔާރެއް ހޯދުމާ ވަރަށް ގާތަށް ގޮސްފައިވާ ކަމަށާއި، ނަމަވެސް މިހާރު އެފަދަ ފުރުޞަތެއް އެ ޤައުމަށް ނެތް ކަމަށެވެ. އަދި އެމެރިކާ ސިފައިން ކުރަމުންދާ މަސައްކަތްތަކަށް ތަޢުރީފުކުރައްވަމުން، ޤައުމުގެ ސަލާމަތީ ކަންކަން ބެލެހެއްޓުމުގައި ސިފައިން ކުރާ މަސައްކަތްތަކަކީ ފާހަގަކޮށްލެވޭ ކަންކަން ކަމަށް އެމަނިކުފާނު ފާހަގަކުރެއްވިއެވެ.

އެމެރިކާގެ ޓްރެޜަނީ އިން ނެރުނު ބަޔާނެއްގައި ބުނެފައިވަނީ، އީރާނުގެ ވައިގެ ދަތުރުފަތުރުގެ ނިޒާމަށް އަމާޒުކޮށް 30 އަށްވުރެ ގިނަ ކުންފުންޏާއި ފަރާތްތަކަށް އަލަށް ދަތިކުރުމުގެ ފިޔަވަޅުތައް އަޅާފައިވާ ކަމަށެވެ.

މީގެ އިތުރުން ޔޫއޭއީ، ތުރުކީ، މެލޭޝިޔާ އަދި ކަޒާޚިސްތާނުގައި ހަރަކާތްތެރިވާ އީރާނާ ގުޅުން ހުރި ފަރާތްތަކަށްވެސް މި ފިޔަވަޅުތައް ވަނީ އަމާޒުކޮށްފައެވެ.

އެމެރިކާގެ ޓްރެޜަރީ ސެކްރެޓަރީ ސްކޮޓް ބެސެންޓް ވިދާޅުވީ، އީރާނުގެ ސަރުކާރަށް މާލީ އެހީތެރިކަން ފޯރުކޮށްދޭ ފަރާތްތަކަށް ބޮޑެތި ގެއްލުންތަކަކާ ކުރިމަތިލާންޖެހޭނެ ކަމަށް ކުރިން ވެފައިވާ ވައުދު ފުއްދާފައިވާ ކަމަށެވެ. އަދި ބާކީ ހުރި އީރާނުގެ އެއާލައިންތަކާ އެކު ވިޔަފާރީގެ މުޢާމަލާތް ހިންގާ ފަރާތްތަކުން ދުނިޔޭގެ މާލީ ނިޒާމުން ބޭރު ކުރުމުގެ ބިރު އެބައޮތް ކަމުގެ އިންޒާރު ދެއްވިއެވެ.

އެމެރިކާގެ މި ފިޔަވަޅުތަކަކީ އަމިއްލައަށް އަޅާފައިވާ ފިޔަވަޅު ތަކެކެވެ. މިއީ އދން ހުއްދަ ލިބިގެން ސަލާމަތީ މަޖިލީހައި މަޝްވަރާ ކުރެވިގެން އަޅާފައިވާ ފިޔަވަޅުތަކެއް ނޫނެވެ. އީރާނުން ވަނީ މިއީ އެމެރިކާގެ ޓެރަރިޒަމްގެ އަމަލެއްކަމަށް ސިފަ ކޮށްފައެވެ.

އެމެރިކާއިން ފިޔަވަޅު އަޅާފައިވާ ކުންފުނިތަކާއި އެއާލައިންގެ ލިސްޓް: