ފްލައިދުބާއީގެ މަތިންދާބޯޓެއްގައި ހިނގާދިޔަ ހާދިސާއަކީ އާދައިގެ "ޒުވާބެއް" ނުވަތަ ނިރުބަވެރިކަމުގެ އަމަލެއްގެ ގޮތުގައި ކަމުގެ ދެކޮޅު ނުބަލާ މީޑިއާއިން ސިފަކުރަމުންދިޔަ ނަމަވެސް، މިއީ އިސްރާއީލާއި އެމެރިކާގެ ސިޔާސީ މަސްރަހު ގަނޑުބަޑުކޮށްލުމަށް ބައިނަލްއަގުވާމީ ޖާސޫސީ އިދާރާތަކުން ރާވައިގެން ހިންގި ޚާއްސަ އޮޕަރޭޝަނެއް ކަމުގެ ތުހުމަތު ސޫރިޔާގެ އަސްކަރީ މުހައްލިލުން ކުރައްވައިފިއެވެ.
މި ހާދިސާއާ ގުޅޭގޮތުން އަސްކަރީ މަސްދަރުތަކުން ބުނާ ގޮތުގައި، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫއާއި އެމެރިކާގެ ރައީސް ޑޮނަލްޑް ޓްރަމްޕް، މި ހާދިސާގެ ނިވަލުގައި އީރާނާ ދެކޮޅަށް ސިފައިން ފޮނުވައިގެން ހަމަލާދިނުމަށް ބޭނުންވި ނަމަވެސް، މުޅި އޮޕަރޭޝަން ހިންގާފައިވަނީ ސީދާ އެ ދެ ބޭފުޅުންގެ އެންގެވުމަށް އެކަންޏެއް ނޫނެވެ. މީގެ ފަހަތުގައި އިސްރާއީލުގެ އިދިކޮޅު ފަރާތްތަކާއި، އެމެރިކާގެ އަޑީ ދައުލަތާއި ބާރުގަދަ ޖާސޫސީ ވިއުގާތަކުގެ އެހީތެރިކަމާއެކު ހިންގި އެތެރެއިން ދިން ނުރައްކާތެރި ހަމަލާއެއް އޮތް ކަމަށް ބުނާ އޮޕަރޭޝަނެއް ކަމަށް ތުހުމަތުކުރެވެއެވެ.
އަސްކަރީ މުހައްލިލުން އިޝާރާތްކުރާ ގޮތުގައި، މި އޮޕަރޭޝަންގެ މައިގަނޑު ސްޓްރެޓެޖީ އަކީ އީރާނަށް ހަމަލާދިނުމުގެ ތައްޔާރީތައް ފުރިހަމަނުވަނީސް، ޓްރަމްޕަށް މަޖުބޫރުކުރުވައިގެން އަސްކަރީ ކުރިމަތިލުމެއްގެ ތެރެއަށް އޭނާ ވައްޓާލުމެވެ.
އެމެރިކާއާއި އިސްރާއީލުން ދަނީ އިންތިޚާބަށް ތައްޔާރު ވަމުންނެވެ.
މީގެ ނަތީޖާއެއްގެ ގޮތުން ނަތަންޔާހޫގެ ސަރުކާރު ވައްޓާލުމާއި، ޓްރަމްޕް ސިޔާސީ ގޮތުން ނިކަމެތިކޮށްލުމުގެ ރޭވުމެއް މިކަމުގައި އޮތުން އެކަށީގެންވާ ކަމަށް ބުނެއެވެ. ޔަހޫދީ ޖާސޫސީ އިދާރާ މޮސާޑު ފަދަ ބާރުގަދަ އިދާރާތަކުން އާންމުންގެ ސަމާލުކަން ކަސިޔާރުކޮށް އޮޅުވާލުމުގެ އުކުޅުތައް ބޭނުންކުރުމަކީ އާންމު ކަމެކެވެ.
މިހާދިސާގައި:
- އަދިވެސް ކޯޕައިލެޓްގެ ސާފު މައުލޫމާތެއް ނުލިބެއެވެ. އޭނާއަކީ އޮމާންއާއި އެހެން ގައުމެއްގެ ރަށްވެހިކަން އޮންނަ މީހެއް ކަމަށް ބުނެއެވެ. އެކަމަކު އޮމާނުގައި ދެވަނަ ރަށްވެހިކަން މީހަކަށް ހޯދޭނީ ސުލްޠާންގެ ޚާއސަ ހުއްދައަކާއެކުގައެވެ.
- އިސްރޭލު މީހާ ކޮކްޕިޓަށް އެހާ ފަސޭހައިން ވަދެވުނީ ކިހިނެއްތޯ ސުއާލު އުފެދެއެވެ.
- އިންޑިއާ ޕައިލެޓަށް އެހައި ވަރުވެފައި އެވަނީ ކިހިނެއް އަދި ކިހާވަރެއްގެ ހަމަލައަކުން ބާވައެވެ؟ ނޫނީ ފޮޓޯ ޝޫޓެއް ހެއްޔެވެ؟
- ބޯޓު ޖެއްސި އިސްރާއީލު މީހާ އެކަމަށް ދުރާލައި ތައްޔާރު ވެފައި ހުރީ ހެއްޔެވެ؟ އެއްވެސް ތަމްރީނެއް ލިބިފައި ނެތް މީހަކަށް އެ ބޯޓު ދުއްވުނީ ކިހިނެއް ހެއްޔެވެ؟
- އޭނާ ނަތަންޔާހޫއާއެކު ނަގާފައިވާ ފޮޓޯތަކުން ޝައްކުތައް އުފެދެއެވެ.
- މައްސަލަ އެހާ ސާފުނަމަ އިސްރާއީލުގެ ރަހުމަތްތެރިޔާ ޔޫއޭއީން މިކަމުގައި އެއްޗެއް ނުބުނަނީ ކީއްވެގެން ހެއްޔެވެ؟
މަތިންދާބޯޓުގެ ޕައިލެޓާއި އޭނާގެ އެހީތެރިޔާއާ ދެމެދު ހިނގި ކަމަށް ބުނާ ޒުވާބަށް ބަލާއިރު، މިއީ ކުރިން ދިމާވި މައްސަލައެއްގެ ނަތީޖާއަކަށް ވެދާނެ ކަމެއް ކަމަށް ބެލެވެއެވެ. ނުވަތަ ދެ މީހުން ކުރެ އެކަކަށްވެސް ނޭނގި، "ޑޮމިނޯ އިފެކްޓް" އުސޫލުން ޖާސޫސީ ފަރާތަކުން އޮޕަރޭޝަނެއް ކުރިމަތި ކުރުވައި ދެބަސްވުމެއް އުފެއްދީ ކަމަށްވެސް ވެދާނެއެވެ. ނަމަވެސް، ބޯޓުގައި ތިބި "ތަމްރީނުލިބިފައިވާ" އިސްރާއީލުގެ ޝައްކު ކުރެވޭ ބައެއް ކުއްލިއަކަށް ހަރަކާތްތެރިވެ މައްސަލަ ހައްލުކުރުމުން އެނގެނީ، ހާދިސާގެ މިސްރާބު ކުއްލިއަކަށް ބަދަލުވުމުން އެ ފަރާތްތަކުން ވަގުތުން ފިޔަވަޅު އެޅި ކަމެވެ. އަދި އެމީހުން ތިބީ އެކަމަށް ތައްޔާރު ވެގެން ކަން މިއިން އެނގެއެވެ.
މި ހާދިސާއާ ގުޅޭ ހަގީގަތްތަކާއި ޖާސޫސީ ސިއްރުތަކަކީ ބޯޓުގެ "ބްލެކް ބޮކްސް" އިން ފެންނާނެ މައުލޫމާތުތަކެއް ނޫނެވެ.
މި ހާދިސާއިން މޮޅު ހޯދުމަށް ޔަހޫދީ ލީޑަރާއި އެފަރާތްތަކާ ގުޅިފައިވާ ފަރާތްތަކުން ވަނީ މޮޅަށް ޕްރޮޕެގެންޑާ ކޮށްފައެވެ. އަދި ނޫސްވެރިން ވެސް މޮޅަށް އެގުއިރޯނުގައި ޖައްސާފައެވެ.
