އާސަންދައިގެ ނިޒާމަށް އިސްލާހުތަކެއް ގެނައުމަށް ކުރަމުންދާ މަސައްކަތުގައި އެއްވެސް ފަރާތަކަށް އާސަންދަ ކަނޑާލައި ނުވާނެ ކަމަށް ނޭޝަނަލް ސޯޝަލް ޕްރޮޓެކްޝަން އޭޖެންސީ (އެންސްޕާ) އިން ބުނެއެވެ.
އާސަންދައިގެ ނިޒާމު އިސްލާޙު ކުރުމަކީ ގިނަ ދުވަސްތަކެއް ވަންދެން ކުރަމުން އަންނަ މަސައްކަތެއް ކަމަށާއި، މިހާރު ގެނެވޭ ބަދަލުތަކަކީ މި މަސައްކަތުގެ ފެށުންކަމަށް އެންސްޕާގެ ސީއީއޯ ހީނާ ވަލީދު ވިދާޅުވެއެވެ.
އާންމުންގެ ތެރޭގައި، ބައެއް ފަރާތްތަކަށް އާސަންދަ ކަނޑާލާފައިވާ ކަމަށް ދެކެވޭ ވާހަކަތަކާ ގުޅިގެން ހީނާ ވިދާޅުވީ، އެ ވާހަކަތަކީ، ޙަޤީޤަތާ ޚިލާފު ވާހަކަތަކެއް ކަމަށެވެ. ނަމަވެސް، ޕްރައިވެޓް އިންޝުއަރެންސާއި އާސަންދަ އެކުއެކީގައި ބޭނުންކުރުން ހުއްޓުވާފައިވާ ކަމުގައި ވިދާޅުވެއެވެ.
ސަރުކާރުގެ ހަސްފަތާލުތަކުން، ކުރިއެކޭ އެއްފަދައިން އާސަންދައިގެ ޚިދުމަތް ލިބެމުންދާނެކަމަށްވެސް އެންސްޕާއިން ބުނެއެވެ.
