ޕާކިސްތާނުގެ ލީޑަރުން މޮޅުވާނީ އަމިއްލައަށް ގެންލުން ދިނުމުގެ ދާއިރާއިން ކަމަށް ބުނެ ޑޯން ނޫހުން ފާޑުކިޔާ އެޑިޓޯރިއަލެއް ޝާއިއުކޮށްފިއެވެ. މި އެޑިޓޯރިއަލްގައި އިންޑިއާގެ ތަރައްގީއާއި ޕާކިސްތާންގެ ތަރައްގީ އަޅާކިޔާފައި ވެއެވެ.
އެޑިޓޯރިއަލްގައި ބުނެފައި ވަނީ، އިންޑިއާ އަކީ ބިމުގެ ގޮތުން ޕާކިސްތާނަށް ވުރެން ހަތަރު ގުނަ ބޮޑު ގައުމެއް ކަމަށެވެ. އަދި އާބާދީގެ ގޮތުން ފަސް ގުނަ އާއި ހަ ގުނަ ބޮޑު ގައުމެއް ކަމަށެވެ.
ޕާކިސްތާނުން ތެދުނިޔަތުގައި ގައުމު ތަރައްގީއަށް މަސައްކަތް ކުރިނަމަ ޕާކިސްތާންގެ ބޭރު ފައިސާގެ ރިޒާވްއާއި، ޖީޑީޕީއިން އެކަން ދައްކައި ދިނީސް ކަމަށް ބުނެފައި ވެއެވެ.
އިންޑިއާގެ ވާހަކައިން މިސާލު ޖަހަމުން ބުނެފައި ވަނީ އިންޑިއާގައި ހަމަޖެހޭ ސިޔާސީ ނިޒާމެއް ގާއިމް ކޮށް ލީޑަރޝިޕް ދެއްކުނު ކަމަށާއި ދަނޑުވެރިކަމުގެ ނަފާ ހާސިލުކޮށް ދިނުމަށް، މާނަހުރި ގޮތެއްގައި ބިމުގެ މިލްކުވެރިކަމަށް އިސްލާހުތަކެއް ގެނައި ކަމަށާއި ތަޢުލީމަށް ބޮޑެތި އިންވެސްޓްމަންޓްތަކެއް ކުރި ކަމަށެވެ.
ޑޯންގެ އެޑިޓޯރިއަލްގައި ބުނެފައި ވަނީ، ޕާކިސްތާނުން ފުރަތަމަ 14 އަހަރުގެ ތެރޭގައި ދުނިޔޭގެ ފެންވަރުގެ ފަސް އައިއައިޓީއެއް އުފެއްދި ކަމަށެވެ. އަދި އެކަން ވެގެން ދިޔައީ ކުރިއެރުމަށް ވަރުގަދަ ބިންގަލެއް ގާއިމްކޮށް ދިން ކަމެއް ކަމަށާއި، ދެން ފެނިގެން ދިޔައީ، 1950 ވަނަ އަހަރު ގާނޫނުއަސާސީ ފާސްކުރި ތަނެވެ.
މިއާ ޚިލާފަށް ޕާކިސްތާނުގެ ފުރަތަމަ އަހަރުތަކުގައި އޮތީ ނުތަނަވަސްކަން އުފެދިފައ ކަމަށާއި މިނިވަންކަން ލިބުނުތާ 13 މަސް ދުވަހުގެ ތެރޭގައި ޕާކިސްތާންގެ ބާނީ ލީޑަރު ޖިނާޙު އަވަހާރަވި ކަމަށެވެ. އަދި އޭގެ ފަހުން ސިޔާސީ ގޮތުން ލީޑަރުން އަވަހާރަކޮށްލުމާއި ސިޔާސީ މީހުންނާއި އަސްކަރީ ވެރިންގެ މެދުގައި ބާރުގެ ކުރިމަތިލުންތައް ކުރިމަތިވެގެން ދިޔަ ކަމަށެވެ.
ގިނަ ފަހަރަށް އެވަގުތަކު އޮންނަ ޝަރުއީ ނިޒާމަކުން ތާއީދުކުރާ ލީޑަރޝިޕްގެ މި އެނބުރޭ ދޮރަކީ ދިގު ޒަމާންތަކެއް ވަންދެން ޕާކިސްތާންގެ ސިޔާސީ ހަލަބޮލިކަމުގެ ނަމޫނާއެއް ކަމަށްވެސް ބުނެފައި ވެއެވެ.
އިންޑިއާ ޑިމޮކްރެޓިކް މަގެއްގައި ދެމިއޮތްއިރު، ޕާކިސްތާން ތަކުރާރުކޮށް ޑިމޮކްރެސީން އެއްކިބާވަމުން ދިޔައެވެ. ފިނި ހަނގުރާމައިގެ ދުވަސްވަރު ހުޅަނގާއި ގުޅިގެން ކުރިއެރުވި އިޤްތިޞާދީ ކުރިއެރުމުގައި ޕާކިސްތާނަށް ލިބުނު ފައިދާއެއް ލިބުނީ މިނިވަންވިތާ ކުރީކޮޅުގައެވެ. 1990 ގެ އަހަރުތަކުންފެށިގެން އެކަން ދިޔައީ އަތްމަތިން ބީވަމުންނެވެ.
އެއިރު އެ ދުވަސްވަރަކީ، އިންޑިއާގެ ފިނޭންސް މިނިސްޓަރު މަންމޯހަން ސިންގްގެ ވެރިކަމުގައި އިންޑިއާއިން އިގްތިސާދު ބަދަލުކޮށް، ދެމެހެއްޓެނިވި ކުރިއެރުމަކަށް އިންޑިއާ ބޭއްވުމަށް ކެރިގެން ކުރިއަށް ގެންދިޔަ އިގްތިސާދީ އިސްލާހުތައް ފެށުނު ވަގުތެވެ. އޭގެ ފަހުން އިންޑިއާ ތަރައްގީވެ ކުރިއަށް ޖެހިލާފައިވާއިރު، ޕާކިސްތާން އޮތީ ސިޔާސީ ބާރުގެ ވާދަވެރިކަމުގެ ކުޅިވަރުގައި އޮޅިފައި ކަމަށް ޑޯންގެ އެޑިޓޯރިއަލްގައި ބުނެފައި ވެއެވެ.
