ބޮލީވުޑް ފިލްމު ހިންދީ މީޑިއަމް އާއި ޕާކިސްތާނުގެ ބައެއް ޑްރާމާތަކުން ވަރުގަދަ ފަންނުވެރިކަމެއް ދައްކައިގެން މަޝްހޫރުވި ޕާކިސްތާނުގެ މަޝްހޫރު ބަތަލާ ސަބާ ގަމަރު ވަނީ ޝޫޓިންގެ ތެރޭގައި ހިތުގެ މައްސަލައެއް ދިމާވެގެން ރަވަލްޕިންޑީގެ ހޮސްޕިޓަލަކަށް ގެންގޮސްފަ އެވެ.
ޕާކިސްތާނުގެ މުނިފޫހިފިލުވުމުގެ ޕޯޓަލްތަކުގައި ދައުރުވަމުންދާ ރިޕޯޓްތައް ބުނާ ގޮތުގައި ބަތަލާ ވަނީ ސެޓް މައްޗަށް ވެއްޓިފައެވެ. އަދި ޓީމުން ވަނީ ވަގުތުން ފިލްމު ކުޅެން ހުއްޓާލައި އޭނާ ހަސްފަތާލަށް ގެންދިޔައީއެވެ.
މައުލޫމާތު ލިބިފައިވާ ގޮތުގައި ޑޮކްޓަރުން އެންޖިއޮގްރަފީ ކުރިއަށް ގެންދިޔައީ ސަބާގެ ހާލު ސީރިއަސް ކަމަށް ކަނޑައެޅުމަށް ފަހު އެވެ. އަދި ވަގުތުން ނުލިބުނު ނަމަ އޭނާގެ ފުރާނައަށް ނުރައްކާވުމުގެ ފުރުސަތު އޮތްކަމަށް ޑޮކްޓަރުން ބުނެއެވެ.
ސަބާ ވަނީ ހުއްޓުމެއް ނެތި ބޮޑު ފިލްމީ އާ މަޝްރޫއެއްގައި މަސައްކަތް ކުރަމުން ނެވެ. ފަރުވާއަށް ފަހު މިހާރު ބަތަލާ ސްޓޭބަލްވެފައިވާ ކަމަށް ވެއެވެ. އަދި އޭނާ ގަދަވެ ހުރިކަމަށް ބުނެ އިންސްޓަގްރާމްގައި ޕޯސްޓްކޮށްފައި ވެއެވެ.
