ބަނގްލަދޭޝްގެ ޚާރިޖީ ސިޔާސަތު މިހާރު ވަނީ ނާޒުކު މަރުހަލާއެއްގައެވެ. ޗައިނާ އަދި ޕާކިސްތާނާ އެކު އިތުރުވަމުންދާ ގުޅުންތަކާ ގުޅިގެން، އެ ޤައުމުގެ މިނިވަން ސިޔާސަތު ދެމެހެއްޓުމާ މެދު ކަންބޮޑުވުންތައް އުފެދެމުންދާކަމަށް ބެލެވެއެވެ. ކުރީގައި ހަމަހަމަ ޑިޕްލޮމަސީއަކަށް މަޝްހޫރުވެފައިވާ ޑާކާ، މިހާރު ވަނީ ބޭރުގެ ބާރުތަކުގެ ނުފޫޒުގެ ދަށަށް ދާން ފަށާފައެވެ.
ބެލްޓް އެންޑް ރޯޑް އިނީޝިއޭޓިވްގެ ދަށުން ޗައިނާއިން ކުރަމުންދާ އިންފްރާސްޓްރަކްޗަރ އިންވެސްޓްމަންޓްތަކުގެ ސަބަބުން، ބަނގްލަދޭޝް ވަނީ ދިގު މުއްދަތުގެ އިޤްތިޞާދީ ބަރޯސާ ވެރިކަމަކާ ކުރިމަތިލން ޖެހިފައި ކަމަށް މީޑިއާއިން ބުނެއެވެ. މި ގުޅުންތަކުގެ ތެރޭގައި ބަނދަރުތަކާއި ހަކަތައިގެ މަޝްރޫޢުތައް ފެށުން ހިމެނެއެވެ. އެއާއެކު އެކީގައި ޑާކ މީޑިއާގައި ދެކުނު ޗައިނާ ކަނޑުގެ މައްސަލައާއި ޝިންޖިއާންގް ހިއުމަން ރައިޓްސް މައްސަލަތަކުގައި ޑާކާގެ އަޑު ކެނޑިފައިވާކަން ފާހަގަ ކުރެވެއެވެ.
އަނެއްކޮޅުން، 1971 ގެ ހަނގުރާމައިގެ ހަނދާންތައް މީހުން އާލާ ކުރިނަމަވެސް ޕާކިސްތާނާއެކު ބަނގްލަދޭޝްގެ ގުޅުން އާރާސްތުވުމުގެ ސަބަބުން ހަނގުރާމައިގެ ވާހަކަ ދައްކަން ފަސްޖެހެމުން ދެއެވެ. ބައިނަލްއަޤްވާމީ މައިދާނުގައި ބަނގްލަދޭޝް ވަނީ ޕާކިސްތާނާ ކުރިމަތިލުމުން ދުރުހެލިވެފައެވެ. އަދި އިންޑިއާއާ ދެކޮޅު ޙަރަކާތްތަކަށް ޕާކިސްތާނުން ދޭ އެހީތެރިކަން އިތުރު ވާކަމަށްވެސް ބައެއް ފަރާތްތަކުން ފާހަގަ ކުރަމުން ދެއެވެ.
ބަނގްލަދޭޝްގެ ޖިއޯގްރަފިކް މަޤާމަކީ އިންޑޯ-ޕެސިފިކް ކަންކަމުގައި މުހިންމު ދައުރެއް އަދާކުރާ މަގާމެކެވެ. ނަމަވެސް، ޗައިނާއާ ދެކޮޅުވާން ޖެހިދާނެތީ އެފަދަ ނުފޫޒެއް ބޭނުންކުރުމުން ޑާކާ ވަނީ ފަސް ޖެހިފައެވެ. 2024 ގެ ވެރިކަން ބަދަލުވުމާ ގުޅިގެން، އިންޑިއާއާ އެކު އޮތް ގާތް ގުޅުންވެސް މިހާރު ވަނީ ވަޅޯ ވެފައެވެ.
ޗައިނާ-ޕާކިސްތާން-ބަނގްލަދޭޝް ގެ ތިނެސްކަން ގުޅުމުން ދެކުނު އޭޝިއާގެ ސްޓްރެޓެޖިކް ވެށި އިތުރަށް އުނދަގޫވެފައިވެއެވެ. އަދި ބޭރުގެ ފަރާތްތަކުގެ ނުފޫޒު އިތުރުވަމުންދިއުމާއެކު ބަނގްލަދޭޝް އިން ކުރިން ގެންގުޅުނު ޚާރިޖީ ސިޔާދަތީ ބާރުގެއްލި ދާނެ ކަމުގެ ބިރު ބޮޑެވެ.
