ނަލަފިލާގެ ބަދަލުގައި، ނޫނީ ބޭރު ފާރުތަކުގައި ކްލެޑިންގގެ ގޮތުގައި ބޭނުން ކުރުމަށް ޝެރާ ޕްލޭންކު ބޭނުން ކުރުން ކިހިނެއްތޯއެވެ؟ މިއީ މިފަދަ ބޭނުންތަކަށް ވަރަށް ފުރިހަމަ އުފެއްދުމެކެވެ. ޝެރާ ޕްލޭންކަކީ، ކަތުރުފަންޏަށް ގުޑުވާ ނުލެވޭ އަދި ފެނުގެ އަސަރު ނުކުރާ އުފެއްދުމެކެވެ. ސްޓީލްހާޑްވެއަރ މިހާރު ރާއްޖޭގެ ބާޒާރަށް ރަސްމީކޮށް ތަޢާރަފްކޮށްފައިވާ ޝެރާ ޕްލޭންކަކީ ޒަމާނަށް ދެމިދާ ގޮތަށް އުފައްދާފައިވާ އިމާރާތް ކުރުމުގައި ބޭނުން ކުރާ ބާވަތުގެ މެޓީރިއަލް އެކެވެ. ނަލަފިލާގެ ގޮތުގައި ބޭނުން ކުރުމުގެ އިތުރުން އިމާރާތަށް ފެނުގެ އަސަރު ކުރިޔަ ނުދިނުމަށާއި އިމާރާތުގެ ބޭރު ޒީނަތްތެރި ކުރުމަށްވެސް ޝެރާ ޕްލޭންކް ބޭނުން ކުރެވޭނެއެވެ.
ޝެރާ ޕްލޭންކަކީ، ބާރުގަދަ ކުރުމަށް ގުދުރަތީ ފައިބަރުތަކުގެ ސްޓްރަކްޗަރެއް ހިމަނައިގެން އުފައްދާފައިވާ ސިމެންތި އާއި ސެލިއުލޯސް ފައިބަރު ކޮމްޕޮސިޓް މެޓީރިއަލް އެކެވެ. ބޭރުފުށުން ބަލާއިރު ލޮލަށް ރީތި ވާނެއެވެ. ހީވާނީ ލަކުޑީގެ ބާވަތެއް ހެންނެވެ. މިއީ ފެން ވިއްސާތަންތަނަށާއި ތެތްކަން ހުންނަ ތަންނަށް ވަރަށް ވެސް އެކަށީގެންވާ މެޓީރިއަލް އެކެވެ. ޚާއްޞަކޮށް ރާއްޖޭގެ މާހައުލުގައި ހުންނަ ތެތްކަމާއި ލޮނުވައިގެ ސަބަބުން އާދައިގެ ލަކުޑީގެ އުފެއްދުންތަކަށް ލިބޭ ގެއްލުންތަކުން ސަލާމަތްވުމަށް ޝެރާ ޕްލޭންކަކީ ވަރަށް އެކަށީގެންވާ މުނާސިބު ހައްލެކެވެ. ތެތްކަމާއި، ޝެރާ ޕްލޭންކަކީ އަލިފާން ނުހިފާ، ހޫނާއި، ފެނާއި، އަދި ކެމިކަލްގެ (ކޮރޯޝަން) އަސަރު ނުކުރާ މާ ބޮޑު މަރާމާތެއް ނުކޮށް ގިނަ ދުވަހު ދެމިހުންނަ މެޓީރިއަލްއެކެވެ.
ސްޓީލްހާޑްވެއަރއިން މައުލޫމާތު ދެއްވާގޮތުގައި ޝެރާ ޕްލޭންކް ރާއްޖެއަށް ތައާރަފް ކުރުމަކީ އެބޭފުޅުން ވަރަށް ފަޚުރުވެރިވާ ކަމެެކެވެ. އަދި ޝެރާ ޕްލޭންކަކީ ގޭގޭ މަރާތު ކުރުމުގެ މަސައްކަތްތަކަށާއި ނަލަފިލާ ޖެހުމަށާއި ބޮޑެތި އިމާރާތްތަކުގެ ބޭރުގައި ޖެހުމަށް ވަރަށް މުނާސިބު ހައްލެއްކަމަށާއި ބޭރު ފާރުތަކަށާއި އެތެރޭގެ ފާރުތަކަށް އަދި ފްލޯރިންގއަށް ވެސް ޝެރާ ޕްލޭންކް ބޭނުން ކުރެވޭނެކަމަށް ވެސް މައުލޫމާތު ދެއްވާފައިވެއެވެ. އަދި މިއާއެކު މިއުފެއްދުން ރާއްޖެއަށް ތަޢާރަފްކުރުމާއެކު، ގެދޮރު އިމާރާތް ކުރާ ފަރާތްތަކަށާއި ގެދޮރު މަރާމާތު ކުރާ ފަރާތްތަކަށާއި ކޮންޓްރެކްޓަރުންނާއި، ކަތުރުފަންޏާ ދެކޮޅަށް ރައްކާތެރި ލަކުޑީގެ ބަދަލު ހޯދަން ބޭނުންވާ ފަރާތްތަކަށް މިއީ ވަރަށް ފުރިހަމަ އުފެއްދުމަކަށް ވެސް ވެގެންދާނެ ކަމުގައި އެފަރާތުުން ފާހަގަ ކުރައްވައެވެ. ޝެރާ ޕްލޭންކް ކަސިއާ އަދި ޓީކް ފަދަ ތަފާތު ޓެކްސްޗަރތަކުގައި ލިބެން ހުންނައިރު، ސްޓީލް ހާޑްވެއަރ އިން މިވަގުތު މާކެޓަށް ތައާރަފްކޮށްފައި ވަނީ ޝެރާ ޕްލޭންކް ކަސިއާއެވެ.
ދިގު މުއްދަތަކަށް ދެމިހުންނަ، އަދި ތަފާތު އެކި ބޭނުންތަކަށް ބޭނުންކުރެވޭ، ލަކުޑީގެ ރަނގަޅު ބަދަލެއް ކަމުގައިވާ ޝެރާ ޕްލޭންކަކީ އެކްސްޓީރިއަރ އަދި އިންޓީރިއަރ ފާރުތަކުގެ ޑެކަރޭޓިވް ބޭނުންތަކަށް މާބޮޑަށް ވެސް މޮޅު ހައްލެކެވެ.ޝެރާ ޕްލޭންކް އިމާރާތުގެ ބޭރު ފާރުގައާއި އެތެރޭގެ ފާރުތަކުގައި ޖެހުމަށް އަދި ފާރުތަކުގައި އެކްސްޓީރިއަރ ކްލެޑިންގެ ގޮތުގައި ނުވަތަ އެހެން ފިނިޝިންގ އެއްގެ ދަށުން ބެކަރ ބޯޑެއްގެ ގޮތުގައިވެސް ބޭނުންކުރެވިދާނެ އެވެ.
