ހިފާފައިވާ ހުޅަނގު އައްސޭރީގައި ޔަހޫދީންގެ ޤާނޫނާ ޚިލާފު އާބާދީތައް ފުޅާކުރުން ވަގުތުން ހުއްޓާލުމަށް ކެނެޑާއާއި ވިލާތުގެ 11 ޤައުމެއް ގުޅިގެން، ގޮވާލައި، އިޤްތިޞާދީ އަދި ދަތިކުރުމުގެ ހަރުކަށި ފިޔަވަޅުތަކެއް އަޅަން ނިންމައިފިއެވެ. މި ނިންމުމާއެކު، ބައިނަލްއަޤުވާމީ ޑިޕްލޮމެޓިކް މައިދާނުގައި ޔަހޫދީ ރެޖީމަށް ކުރިމަތިވެފައިވާ ފިއްތުންތައް ވަނީ އިތުރުވެފެވެ.
ކެނެޑާ، ޑެންމާރކް، ފިންލެންޑް، ފަރަންސޭސިވިލާތް، އަޔަލެންޑް، ނޯވޭ، ޕޮލެންޑް، ޕޯޗުގަލް ސްޕެއިން، އަދި އިނގިރޭސިވިލާތުގެ ޚާރިޖީ ވަޒީރުންގެ ގުޅިފައިވާ ބަޔާނުގައި ބަޔާންކޮށްފައިވާ ގޮތުގައި، ޔަހޫދީ އާބާދީތައް ފުޅާކުރުމުގެ މަޝްރޫޢުތަކުގެ ސަބަބުން ދެ ދައުލަތުގެ އުޞޫލަށް ބޮޑެތި ހުރަސްތަކެއް ކުރިމަތިވަމުންދެއެވެ. އަދި ބައިނަލްއަޤުވާމީ ޤާނޫނާ ޚިލާފަށް މިފަދަ އާބާދީތަކުން އުފައްދާ މުދަލުގެ ވިޔަފާރިކުރުން ހަނިކުރާނެ ކަމަށް އެ ޤައުމުތަކުން ވަނީ އިޢުލާނުކޮށްފައެވެ.
މި ކޯލިޝަންގެ އެންމެ ހަރުކަށި ފިޔަވަޅުތައް އަޅާފައިވަނީ އިނގިރޭސިވިލާތާއި ފަރަންސޭސިވިލާތުންނެވެ. އިނގިރޭސި ޚާރިޖީ ވަޒީރު އެޑް މިލިބަންޑް ވިދާޅުވީ، އާބާދީތައް ފުޅާކުރުމަށް އެހީތެރިވެދޭ މާލީ ޚިދުމަތދޭ ކުންފުނިތަކާއި ފަރުދުންނަށް ދަތިކުރުމުގެ ފިޔަވަޅު އަޅާނެ ކަމަށެވެ. އަދި ހަތިޔާރު އެކްސްޕޯޓުކުރުމަށް އެދޭ ހުއްދަތަކަށް އިންކާރުކުރާނެ ކަމަށް އޭނާ ވިދާޅުވިއެވެ.
ފަރަންސޭސި ޚާރިޖީ ވަޒީރު ޖާން ނޮއެލް ބާރޫ ވިދާޅުވީ، ހުޅަނގު އައްސޭރީގެ މަސްރަހު އޮތީ ނުރައްކާތެރި ހާލަތެއްގައި ކަމަށާއި، ފަރަންސޭސިވިލާތުން ވެސް އާބާދީތަކުގެ މުދާ މަނާކުރުމުގެ ފިޔަވަޅުތައް ތަންފީޒުކުރާނެ ކަމަށެވެ.
ޔޫރަޕިއަން ޔޫނިއަންގެ ފެންވަރުގައި މިފަދަ ފިޔަވަޅެއް އެޅުމަށް ޖަރުމަނުން ދެކޮޅު ހަދަފައި ވެއެވެ.
ނަމަވެސް، މި 12 ޤައުމުގެ ވަކިވަކި ނިންމުންތަކުން ދައްކުވައިދެނީ ދުނިޔޭގެ މައިދާނުގައި ޔަހޫދީ ރެޖީމަށް ކުރިމަތިވެފައިވާ އެކަހެރިކަމެވެ. ޚާއްޞަކޮށް ހުރުމުޒު ފަދަ ނާޒުކު ސަރަޙައްދުތަކާއި މެދުއިރުމަތީގެ މަސްރަހު ހޫނުވެފައިވާ ދަނޑިވަޅެއްގައި، މިފަދަ ފިޔަވަޅުތަކުގެ ސަބަބުން ސިޔާސީ ގޮތުން ބޮޑެތި ބަދަލުތަކެއް އަންނާނެ ކަމަށް ބެލެވެއެވެ.
ޢަރަބި ޤައުމުތަކުން މި ނިންމުންތަކަށް މަރުޙަބާ ކިޔާފައިވާއިރު، އެމެރިކާއިން ވަނީ ހުޅަނގު އައްސޭރީގެ މަސްރަހު ގޯސްވާފަދަ ބަދަލުތަކަށް ތާޢީދުނުކުރާނެ ކަމަށް ބުނެފައެވެ.
ޔަހޫދީ ރެޖީމުގެ ރައީސް އިސާކް ހަރްޒޮގާއި ޚާރިޖީ ވަޒީރު ގިޑިއޯން ސާރ ވަނީ މި ފިޔަވަޅުތަކަށް ވަރަށް ބޮޑަށް ފާޑުކިޔާފައެވެ.، މިއީ ސިޔާދަތީ ޤައުމެއްގެ މިނިވަންކަމުގެ ތެރެއަށް ވަނުން ކަމަށް ސިފަކުކޮށްފައި ވެއެވެ. ނަމަވެސް، އިދިކޮޅު ލީޑަރު ޔައިރް ލަޕިދް ބުނީ، މިފަދަ ޑިޕްލޮމެޓިކް ވެއްޓުންތަކަކީ މިހާރު އޮތް ސަރުކާރުގެ ޚާރިޖީ ސިޔާސަތުގެ ނާކާމިޔާބީގެ ސަބަބުން މެދުވެރިވެފައިވާ ކަންކަން ކަމަށެވެ.
