އިންޑިއާއާއި ބޫޓާނާ ދެމެދު އޮތް ޘަޤާފީ އަދި އިޖުތިމާޢީ ގުޅުން އިތުރަށް ބަދަހިކުރުމުގެ ގޮތުން، އިންޑިއާގެ ޚާރިޖީ ވަޒީރު އެސް. ޖައިޝަންކަރު ބޫޓާނަށް ކުރައްވަމުން ގެންދަވާ ރަސްމީ ދަތުރުފުޅުގައި އެ ޤައުމުގެ ޑެއިރީ ސިނާޢަތް ކުރިއެރުވުމަށް 43 ޖަރޒީ ނަސްލުގެ ގެރި ހަދިޔާކުރައްވައިފިއެވެ.
ބޫޓާނުގެ ބުމްތަންގްގައި ހުންނަ ޤައުމީ ގެރިބަކަރި ނަސްލު އާލާކުރާ މަރުކަޒުގައި ބޭއްވި ރަސްމިއްޔާތެއްގައި ވާހަކަދައްކަވަމުން ޖައިޝަންކަރު ވިދާޅުވީ، މި ގެރިތަކުގެ ސަބަބުން ބޫޓާންގެ ކިރުގެ އުފެއްދުންތެރިކަން އިތުރުވެ، އެ ޤައުމުގެ 40,000 އަށް ވުރެ ގިނަ ދަނޑުވެރިންނަށް އޭގެ ފައިދާ ލިބިގެންދާނެ ކަމަށެވެ. މީގެ އިތުރުން، މި ދަތުރުފުޅުގެ ތެރެއިން ބޫޓާނުގެ ޚާރިޖީ ވަޒީރު ލިޔޮންޕޯ ޑީ.އެން. ޑުންގްލްއާ ބައްދަލުކުރައްވައި، ދެ ޤައުމުގެ ވިޔަފާރިއާއި، ހަކަތައާއި، އަދި ޞިއްޙީ ދާއިރާގެ މަޝްރޫޢުތަކާ ގުޅޭގޮތުން ފުޅާ ދާއިރާއެއްގައި މަޝްވަރާކުރައްވާފައިވެއެވެ.
އިންޑިއާގެ 'ނޭބަރހުޑް ފަރސްޓް' ސިޔާސަތުގެ ދަށުން ކުރިއަށް ގެންދާ މި ދަތުރުފުޅުގައި، ޖައިޝަންކަރު ވަނީ ބޫޓާނުގެ ރަސްގެފާނު ޖިގްމޭ ކޭސަރ ނަމްގިޔެލް ވަންގްޗއަށް އިޙުތިުރާމްގެ ޒިޔާރަތެއްވެސް ކުރައްވާފައެވެ.
