އެމެރިކާގެ ފެޑެރަލް އޭވިއޭޝන් އެޑްމިނިސްޓްރޭޝަން (އެފްއޭއޭ) އިން ޤައުމީ ފެންވަރުގައި ސަލާމަތީ ކަންބޮޑުވުންތަކެއް އޮތްކަން ހާމަކޮށް، އެމެރިކާގެ އެއްވެސް ވައިގެ ބަނދަރަކަށް ބޯޓު ޖެއްސުމާއި ފުރުން މަނާކޮށް ވައިގެ ދަތުރުފަތުރުތައް ވަގުތީގޮތުން މުޅިން ހުއްޓާލުމަށް އަމުރުކޮށްފިއެވެ. މި ހާދިސާ ހިނގާފައިވަނީ ރާޑަރ ކޮންޓްރޯލް ނިޒާމުތަކާއި މުވާސަލާތީ ނެޓްވޯކްތަކަށް ދިމާވި ކުއްލި މައްސަލައަކާ ގުޅިގެން ކަމަށް ރިޕޯޓުތައް ބުނާއިރު، މިކަމުގެ ސަބަބުން މަތިންދާބޯޓުތައް ވައިގެ ތެރޭގައި ތާށިވެ، މަސްރަހު ވަނީ ކަންބޮޑުވާ ފައްތަރަކަށް ވެއްޓިފެވެ.
މި ހާދިސާ ހިނގާފައިވާ ވަގުތާ ދިމކޮށް، ސިޔާސީ އަދި ބައިނަލްއަޤުވާމީ މަސްރަހު ދިރާސާކުރާ ފަރާތްތަކުގެ ނަޒަރު ވަނީ އީރާނަށް އަމާޒުވެފައެވެ.
މީގެ ދެ ދުވަސް ކުރިން ފްރާންސްގެ ބޮޑުވަޒީރު ވަނީ، ފްރާންސްގެ ފިހުރާތަކުގައި ހުންނަ ކަބަޑުތަކާއި ފިނިކުރާ ނިޒާމުތަކަށް އަމާޒުކޮށް ހިންގި ވަރުގަދަ ސައިބަރ ޙަމަލާތަކުގެ ފަހަތުގައިވަނީ އީރާން ކަމަށް ވިދާޅުވެފައެވެ. އެ ޙަމަލާތަކުގެ ސަބަބުން މަހާއި ކާބޯތަކެތި ހަލާކުވެގެން ގޮސްފައިވާކަން ފާހަގަކުރެވެއެވެ.
މި ކަންކަމަށް އަލިއަޅުވާލަމުން މާހިރުން ބުނަނީ، އީރާނުން މިހާރު ހަނގުރާމައިގެ މައިދާން ބަދަލުކޮށް، ސިފައިންގެ އޮޕަރޭޝަންތަކަށް އެކަނި ބަރޯސާވުމުގެ ބަދަލުގައި، ސައިބަރ ހަނގުރާމައާއި ހައިބްރިޑް ޙަމަލާތަކުގެ ތެރެއިން މުޅިން އައު މަރުޙަލާއެއް ފަށާފައިވާ ކަމަށެވެ. މިއަދު އެމެރިކާގެ ހުރިހާ ވައިގެ ބަނދަރުތަކެއް ހުއްޓުމަކަށް އައުމަކީ ތާރީޚުގައިވެސް ހިނގާފައިނުވާ ފަދަ ބޮޑު ސައިބަރ ޙަމަލާއެއްގެ ނަތީޖާ ކަމަށް ބެލެވޭއިރު، މިފަދަ ޤާބިލުކަމެއް ލިބިފައިވާ ފަރާތްތަކަށް ބޭންކުތަކާއި ހިއްސާގެ ބާޒާރުތައް ހުއްޓުވުމާއި، ކަރަންޓު ކަނޑުވާލުމާއި، ހޮސްޕިޓަލުތަކުގެ ޚިދުމަތްތަކަށް ބުރޫއެރުވުމަކީ ދަތިކަމަކަށް ނުވާނެ ކަމަށް ރިޕޯޓުތައް ބުނެއެވެ.
އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ ސެކްރެޓަރީ މޮހսިން ރެޒާއީ ވިދާޅުވެފައިވާ ގތުގައި، އެ ޤައުމުގެ އެންމެ މަތިވެރި ވެރިޔާ މުޖްތަބާ ޚާމަނާއީ ވަނީ "ހަނގުރާމައެއް ނޫން އަދި ސުލްޙައެއްވެސް ނޫން" އޮތް ފައްތަރު ނިމުމަކަށް ގެނައުމަށް ސިފައިންގެ ކޮމާންޑަރުންނަށް އަންގަވާފައެވެ. މި ސިޔާސަތު މިހާރު ޢަމަލީ މައިދާން ގައި ތަންފީޒުވަމުންދާ ކަމަށް ދިރާސާކުރާ ފަރާތްތަކުން ޤަބޫލުކުރެއެވެ..
