އުޅަނދުތަކުން މީހުން ހައްޔަރުކުރި ވަގުތު އެތަނުގައި ހުރި އެމެރިކާގެ ހަނގުރާމައިގެ ވެޓެރަން ގްރެގް ސްޓޯކަރ ބުނި ގޮތުގައި އިސްރާއީލުގެ ކަނޑުގެ ސިފައިން ގެ 12 އުޅަނދަކުން ޓްރާންސްޕޮންޑަރުތައް ނިއްވާލައިގެން ފުޅަނދުތައް ވަށާލި އެވެ. "އެމީހުން (އިޒ×ްރޭލު ސިފައިން) މިވަގުތު އަޅުގަނޑުމެންގެ އުޅަނދުތަކަށް ގޮވަމުން ދަނީ، އިންޖީނުތައް ނިއްވާލުމަށާއި އިތުރު އިރުޝާދަށް މަޑުކުރުމަށް. އެހެންނޫނީ އުޅަނދުތައް ހިފަހައްޓާނެ ކަމަށާއި ނަތީޖާއާ ކުރިމަތިލާން ޖެހޭނެ ކަމަށް ބިރު ދައްކަމުން ދޭ،" ލައިފް ޖެކެޓް ލައިގެން ހުރެ ސްޓޯކަރ ވީޑިއޯ މެސެޖެއްގައި ބުނެފައިވެއެވެ.
އިސްރާއީލުގެ ސިފައިން އުޅަނދުތައް ހުއްޓުވުމުން އަނިޔާވެރިކަމެއް ނެތި އެކަމާ ކުރިމަތިލުމަށް އެކްޓިވިސްޓުން ތައްޔާރުވެފައިވާ ކަމަށާއި، ބައެއް މީހުން ސަލާމަތީ ސަބަބުތަކަށްޓަކައި މޯބައިލް ފޯނުތައް ކަނޑަށް އުކާލި ކަމަށް ވެސް ވަނީ ރިޕޯޓުކޮށްފައެވެ. މެސެޗުސެޓްސްގެ ދެ ބެއިން ކަމަށްވާ އަދުނާން އަދި ޓޯ ސްޓޫމޯ ނޫސްވެރިންނަށް ކިޔައިދިން ގޮތުގައި އެއްވެސް މީހަކު ތައްޓު މަތީގައި ހަރަކާތްތެއރި ނުވުމަށާއި އަދި އެންމެން އިށީނދެގެން އަތްތައް ބޯމަތީގައި ބާއްވައިގެން ތިބުމަށް އަންގާފައިވާ ކަމަށެވެ.
މި ފުޅަނދުގައި ހިމެނޭ އުޅަނދުތަކުގައި ޣައްޒާގެ ރައްޔިތުންނަށް ބޭނުންވާ އަސާސީ ބޭސްފަރުވާގެ ތަކެއްޗާއި، ކާބޯތަކެތި އަދި އެހެނިހެން އިންސާނީ އެހީގެ ތަކެތި ހިމެނެއެވެ. އިސްރާއީލުން މި އުޅަނދުތައް ހިފަހައްޓާފައިވަނީ ޣައްޒާގެ ކަނޑުގެ ސަރަހައްދަށް ވަނުމުގެ ކުރިންނެވެ.
ޣައްޒާއަށް އެހީ ފޯރުކޮށްދިނުމަށް ދަތުރުކުރި "ގްލޯބަލް ޞުމޫދު ފްލޮޓިލާ" ގެ ފުޅަނދުތަކުގައި 40 އަށްވުރެ ގިނަ ގައުމުތަކުން 500 އެކްޓިވިސްޓުން ބައިވެރިވެރއެވެ. އަދި 40 އުޅަނދު ހިމެނޭ މި ފުޅަނދުތައް ހުއްޓުވާ ފައި ވަނީ ބައިނަލްއަގުވާމީ ކަނޑުގެ ސަރަހައްދުގައި، ޣައްޒާގެ އައްސޭރިފަށުން 70އާއި 100 ނޯޓިކަލް މޭލު ދުރުން ކަމަށް ބައިވެރިންނާއި އިންތިޒާމު ކުރި ފަރާތްތަކުން މައުލޫމާތު ދީފައިވެއެވެ. އިސްރާއީލުގެ ޓެރަރިސްޓް ސިފައިން ވަނީ މި ފްލޮޓިލާގެ މައި ދެ އުޅަނދު ކަމަށްވާ "އަލްމާ" އަދި "ސިރިއަސް" ކަނޑު ފޭރިގަނެ، އަދި އެހެން ފުޅަނދުތަކުގެ މުވާސަލާތީ ނިޒާމުތައް ނިއްވާލާފައެވެ.
"އިސްރާއީލުގެ ކަނޑުގެ ސިފައިން ވަނީ ގާނޫނާ ހިލާފަށް ބައިނަލްއަގުވާމީ ކަނޑުގެ ސަރަހައްދުގައި ގްލޯބަލް ޞުމޫދު ފްލޮޓިލާގެ ސިރިއަސް އުޅަނދާއި އެހެނިހެން ފުޅަނދުތައް ހުއްޓުވައި، އެ އުޅަނދުތަކަށް އަރާފައި،" މިކަން އިންތިޒާމު ކުރި ފަރާތްތަކުން އިންސްޓަގްރާމްގައި ނެރުނު ބަޔާނެއް ގައި ބުނެފައިވެއެވެ.
ޔަހޫދީންގެ ޓެރަރިސްޓް ހަމަލަތަކާއި ކަނޑު ފޭރުމުގެ އަމަލާއެކު، ގިނަ ފުޅަނދުތަކުން ދައްކަމުން ދިޔަ ލައިވް ވީޑިއޯ ސްޓްރީމްތައް ވަނީ މެދުކެނޑިފައެވެ. ފުޅަނދުތަކުގައި ތިބި ފަސިންޖަރުންގެ ހާލަތާ ބެހޭ އެއްވެސް މައުލޫމާތެއް ނުލިބެއެވެ. މި ފްލޮޓިލާގެ ދަތުރަކީ އެއް މަސް ދުވަހުގެ މުއްދަތަށް ރޭވިފައިވާ ދަތުރެކެވެ.
