މުސްލިމު ނޫން ގައުމެއް ކަމަށްވާ ހިތްވަރުގަދަ ކޮލަމްބިއާގެ ރައީސް ގުސްޓާވޯ ޕެޓްރޯ ވަނީ ޣައްޒާއަށް އިންސާނީ އެހީ ގެންދިޔަ ސުމޫދު ފްލޮޓިލާ ކަނޑު ފޭރުމާއެކު އޭނާގެ ގައުމުގައި ތިބި ޔަހޫދީ ޑިޕްލޮމެޓުން ވަގުތުން ބޭރުކޮށްލާފައެވެ. މިއީ އަރަބި އިސްލާމީ އެއްވެސް ގައުމަކަށް އަޅަން ކެރުނު ފިޔަވަޅެއް ނޫނެވެ.
ކޮލޮމްބިއާގެ ރައީސް ޕެޓްރޯ ސިފަ ކުރެއްވިގޮތުގައި ޔަހޫދީންގެ މި އަމަލަކީ "ބައިނަލްއަގްވާމީ ޖަރީމާ" އެކެވެ.
މި ޖަރީމާއާ ހެދި އެގައުމުގައި ބާކީ ތިބި އިސްރާއީލުގެ ޑިޕްލޮމެޓިކް ހުރިހާ މުވައްޒަފުން ވަގުތުން ބޭރުވުމަށް އޭނާ ވަނީ އަމުރު ކުރައްވާފައެވެ.
ޕެޓްރޯގެ މި ނިންމެވުމުގެ ކުރިން ކޮލަމްބިއާގައި ތިބީ ޔަހޫދީންގެ އެންމެ ހަތަރު ޑިޕްލޮމެޓުން ނެވެ. ޔަހޫދީން ފެށި ހޮލޮކޯސްޓަށް ފަހު މިދިޔަ އަހަރު ޔަހޫދީ ގައުމާއެކު ގުޅުން ކަނޑާލުމުން ގިނަ ޑިޕްލޮމެޓުން ވަނީ ފުރައިގެން ގޮސްފައެވެ.
