އެއީ ބަންގްލަދޭޝްގެ މައިމެންސިންގް ސަރަހައްދުގެ ހަމަހިމޭން އަވަށެކެވެ. ފަތިހުގެ ފިނިކަމާއެކު މިސްކިތުން ގޮވާލާ ބަންގީގެ އަޑަކީ އެ އަވަށުގެ މީހުންގެ ހިތްތަކަށް ދިރުންދޭ، އަމާންކަމުގެ ރަމްޒެކެވެ. މީގެ ތިން މަސް ކުރިން، އެ އަވަށުގެ ކުޑަކުޑަ އަންހެން ކުއްޖަކު އޭނާގެ އަތުގައި ހިފައިގެން މިސްކިތުގެ ދޮރުުން އެތެރެއަށް ވެއްދީ އުނގެނުމުގެ މާތް ނިޔަތުގައެވެ. ނަމަވެސް، އެ މުޤައްދަސް ފާރުތަކުގެ އެތެރޭގައި، ދީނީ ސާލެއްގެ ނިވާކަމުގައި ހުރި މީހަކު، އެ ކުއްޖާގެ މައުސޫމްކަން ދިރުވައިލާނެ ކަމަކަށް އެކަކުވެސް ހީއެއް ނުކުރެއެވެ.
އެއީ ހޮނިހިރު ދުވަހުގެ ހަވީރެކެވެ. މިސްކިތާ ދާދި ކައިރީގައި ހުރި ކުޑަ ކުލީ ކޮޓަރިއެއްގައި އުޅެމުންދިޔަ އާއިލާއަށް ކުއްލި ސިހުމެއް ލިބުނީ، އާންމުކޮށް ކިޔަވައި ނިމިގެން ގެއަށް އަންނަ ގަޑި ފާއިތުވެދިޔައިރުވެސް ދަރިފުޅުގެ ޚަބަރެއް ނުވުމުންނެވެ. ހާސްކަމާއެކު އެ މައިމީހާގެ ލަގޮނޑި ތެޅިގަތެވެ. ކުއްޖާގެ މައިމީހާ ހިނގުން އަވަސްކޮށްލާފައި މިސްކިތާ ދިމާއަށް މިސްރާބުޖެހީ ކޮންމެވެސް ނުރައްކަލެއްގެ ސިގްނަލް ހިތަށް ލިބެމުންދިޔަ ފަދައަކުންނެވެ.
މިސްކިތުގެ އޮޅިގަނޑު ގިރާކޮށް، އެތެރެއަށް ވަދެވުނު ވަގުތު މައިމީހާއަށް ފެނުނު މަންޒަރަކުން މުޅި ދުނިޔެ އެނބުރިގަތް ކަހަލައެވެ. އުމުރުން 45 އަހަރުގެ އިމާމް، މަވްލާނާ ޝާހީނޫރު އިސްލާމް، އިނީ ބަލައިގަންނަން އުނދަގޫ، ހަޑިމުޑުދާރު އިޢުތިރާޟް ކުރަން ޖެހޭފަދަ ހާލަތެއްގައެވެ. އެ މައުސޫމް ދަރިފުޅުގެ ލޮލުން އޮހެމުންދިޔަ ކަރުނައިން، އެ ފާރުތަކުގެ ފުރަގަހުގައި ހިނގާދިޔަ ލާއިންސާނީ ޖަރީމާގެ ބިރުވެރިކަން ސާފުކޮށް މަންޒަރު ކޮށްދިނެވެ.
މައިމީހާ އަޑުގެ ކޮޅަށް ގޮވައިލި ހަޅޭކުގެ އަޑާއެކު، މުޅި އަވަށުގެ ހިމޭންކަން މުގުރާލިއެވެ. ކުޑަ ހިނދުކޮޅެއްގެ ތެރޭގައި އަވަށުގެ މީހުން އެތަނަށް އެއްވިއެވެ. އުގަންނައިދިނުމުގެ ނަމުގައި އައިސް ހުރި މި މުނާފިޤުގެ ހަގީގަތް އެނގުމުން، މީހުންގެ ހިތްތަކުގައި އުފެދުނު ރުޅިވެރިކަން ކޮންޓްރޯލުން ނެއްޓުނެވެ. ފުލުހުންނާ ހަވާލުކުރުމުގެ ކުރިން، ރުޅިއައިސްފައި ތިބި ރައްޔިތުން އެ އިމާމްގެ ގަޔަށް އަތްލައި، މާރާމާރީ ހިންގައި ތަޅައިގަތެވެ. އެއީ މުޖުތަމައުގެ އިތުބާރު ނަގައިލި މީހަކަށް ރައްޔިތުން ދިން ވަގުތީ އަދަބެކެވެ.
"އަހަރެންގެ މައުސޫމް ދަރިފުޅަށް އެ ސާލިހު ކަމަށް ހެދިގެން ހުރި މީހާ ހިންގި ރަހުމެއް ނެތް އަމަލަށް، ގާނޫނުން ދެވޭނެ އެންމެ ބޮޑު އަދަބެއް ދޭން އަހަރެން ބޭނުން. އޭނާއަށް މަރުގެ އަދަބު ދޭން އަހަރެން ގޮވާލަން،" ލޭކަރުނުން ފުރިގެންވީ އަޑަކުން، ހިތްފަލައިގެން ގޮސްފައި ހުރި އެ މައިމީހާ މީޑިއާއަށް ކިޔައިދިނެވެ.
ތުރިޝާލް ފުލުހުންގެ ވެރިޔާ މަންސޫރު އަހުމަދު ބުނި ގޮތުގައި، ކުއްޖާގެ ބައްޕަގެ ފަރާތުން މިހާރު ވަނީ މި މައްސަލާގައި ރަސްމީކޮށް ދައުވާ އުފުލާފައެވެ. އިމާމް މިހާރު ހުރީ ފުލުހުންގެ ބަންދުގައެވެ. ނަމަވެސް، މި ހާދިސާއާއެކު އެ ހަމަހިމޭން އަވަށުގެ އިތުބާރުގެ ފާރުތައް ވަނީ ރޫޅިފައެވެ. މުޤައްދަސް ބިމެއްގައި، ކުޑަކުއްޖަކު ރައްކާތެރިކަމާއެކު އުނގެނެން ހުރި މާހައުލެއްގައި ހިންގި މި ފާހިޝް އަމަލުގެ ސަބަބުން، މުޅި މުޖުތަމައު ވަނީ ސިހުމެއްގެ ތެރޭގައެވެ. އެމީހުންގެ ހިތްތަކުގައި މިހާރު އުފެދޭ ސުވާލަކީ، ދެން އިތުބާރު ކުރާނީ ފަހެ ކާކަށް ހެއްޔެވެ؟
