އިސްލާމްވި ދެ އަންހެން ކުދިން އޮގަސްޓް 6 ވަނަ ދުވަހު ކޯޓަށް ހާޒިރު ކޮށްދޭން އައްލާހްއާބާދު ހައިކޯޓުން އަމުރުކޮށްފިއެވެ.
އެ ދެ އަންހެނުން ކޯޓަށް ހާޒިރުކުރަނީ އެމީހުން އިސްލާމްވީ އަމިއްލަ ރުހުމުގަތޯ ބަލާށެވެ.
އެ ދެ އަންހެނުން އަމިއްލައަށް ހިންދޫ ދީން ދޫކޮށް އިސްލާމްދީން އިޚްތިޔާރުކޮށް، އެމީހުން ބޭނުންވާ މީހުންނާ ކައިވެނިކުރަން ނިންމުމުންނެވެ.
އަދި އެކަމާ ވުޅިގެން، އެމީހުންގެ ބައްޕަ އެމީހުން ޣައިރުޤާނޫނީ ގޮތެއްގައި ބަންދުކޮށްގެން އުޅޭކަމަށް ކުރެވޭ ތުހުމަތުތަކާ ގުޅިގެން އެކަން ކޯޓުން ކަށަވަރު ކުރަން ބޭނުންވެއެވެ. އަދި އެ ދެ އަންހެނުންނަކީ ބޮޑެތިވެފައިވާ ބަޔަކަށްވާތީ، އެމީހުންގެ ދީނާއި، ކައިވެންޏާއި، ދިރިއުޅޭނެ ތަނާއި، އަދި ކުރިއަށް އޮތް ދިރިއުޅުމުގެ ކަންކަމާ ގުޅޭގޮތުން އަމިއްލައަށް ނިންމުންތައް ނިންމުމުގެ ޤާބިލުކަން ލިބިގެންވާ ބައެއްކަން ކޯޓުން ބަލަން ބޭނުންވާ ކަމަށް ކޯޓުން ބުންބުންޏެވެ.
ކޯޓުން ފާހަގަކުރި ގޮތުގައި، އެމީހުންގެ ބައްޕަ ހިމެނޭ ގޮތަށް އެއްވެސް މީހަކު އެފަދަ ކަމަކަށް ނުފޫޒު ފޯރުވުމަކީ، ޤާނޫނީ އަސާސީން ކަށަވަރުކޮށްދީފައިވާ އެމީހުންގެ އިންސާނީ ކަރާމާތާއި، އަދި އަމިއްލަ މިނިވަންކަމުގެ ޙައްޤުތަކަށް އުނިކަން އަންނަފަދަ ޣައިރުޤާނޫނީ ނުފޫޒެކެވެ.
ޖަސްޓިސް ސަންދީޕް ޖެއިން މި އަމުރު ނެރުއްވީ ޖުލައި 30 ދުވަހު، ދިވްޔާ ބާޓިއާ 200އ. އަދި އަންޝޫ ބާޓިއާ 35 އ. ގެ ފަރާތުން ހުށަހެޅި ހެބިއަސް ކޯޕަސް ޕެޓިޝަނެއްގައެވެ.
އެ ޕެޓިޝަންގައިވާ ގޮތުން، އެ ދެ އަންހެނުން ވަނީ އެމީހުންގެ ބައްޕަގެ ނުރުހުމުގައި އިސްލާމްދީނަށް ބަދަލުވެ، އެހެން ދީނެއްގެ އެމީހުން ބޭނުންވާ މީހުންނާ ކައިވެނިކުރަން ނިންމާފައެވެ. އަދި އެމީހުންގެ ބައްޕަ، ރަށުގެ ފުލުހުންނާ ގުޅިގެން، އެ ދެ އަންހެނުން ޣައިރުޤާނޫނީ ގޮތެއްގައި ރަހިނުކޮށް ހިފަހައްޓާފައިވާ ކަމަށް ތުހުމަތުކޮށްފައިވެއެވެ.
ކޯޓުން އިތުރަށް ބުނީ، އެ ދެ އަންހެނުން އުޅެނީ އެމީހުންގެ އަމިއްލަ އިޚްތިޔާރުގައިތޯ ނުވަތަ އެއްވެސް ބާވަތެއްގެ ޣައިރުޤާނޫނީ ހައްޔަރެއްގައި ނުވަތަ ބަންދެއްގައިތޯ ކަށަވަރުކުރުމަކީ ކޯޓުގެ އެންމެ އިސް ވާޖިބު ކަމަށެވެ.
އަދި މައްސަލައިގެ ލިޔެކިޔުންތަކުން އެނގޭ ގޮތުގައި އެމީހުން ވަނީ އަމިއްލަ އިޚްތިޔާރުގައި ހިންދޫ ދީން ދޫކޮށް، އިސްލާމްދީން އިޚްތިޔާރުކޮށް، އެމީހުންގެ އަމިއްލަ އެދުމާ އެއްގޮތަށް ކައިވެނިކުރަން ބޭނުންވާކަން ހާމަކޮށްފައެވެ.
