އެމެރިކާގެ ރައީސް ޑޮނަލްޑް ޓްރަމްޕް އެކި ދަނޑިވަޅުތަކުގައި ސެކިއުރިޓީ ނުރައްކާތަކުން ރައްކާތެރިވުމަށާއި، އީރާނަށް ބިރުން ސިއްރު މަޝްވަރާތައް ކުރިއަށްގެންދެވުމަށްޓަކައި ބޭނުންކުރެއްވި މުހިންމު 5 ތަނެއްގެ ތަފްސީލުތައް ސީކްރެޓް ސާވިސްއާއި އަސްކަރީ އިދާރާތަކުން ހާމަކޮށްފިއެވެ.
1. ވައިޓް ހައުސްގެ "ޕެސަންޖަރ ރެފިއުޖް" ބަންކަރު
ވައިޓް ހައުސްގެ އީސްޓް ވިންގުގެ އަޑީގައި އޮންނަ "ޕެސަންޖަރ ރެފިއުޖް" (އީއޯސީ) ބަންކަރަކީ ސެކިއުރިޓީ ނުރައްކަލެއް ކުރިމަތިވާ ހިނދު ރައީސާއި އެނާގެ އަރިސް ބޭފުޅުން ސަލާމަތްތެރިކަން ހޯއްދަވާ މައި ތަނެވެ. ނިއުކްލިއަރ ހަމަލާތަކާއި ނުރައްކާތެރި ގޭސްތަކުން ރައްކާތެރިވެވޭ ގޮތަށް ފަރުމާކޮށްފައިވާ މި ބަންކަރުގައި ޓްރަމްޕް ވަނީ އީރާނާ ދެކެ ބިރުގަންނަ އިރު ވަގުތު ހޭދަކުރައްވާފައެވެ.
2. މާ ލާގޯ ރިސޯޓުގެ ސިއްރު ސަރަހައްދުތައް
ފްލޮރިޑާގައި އޮންނަ ޓްރަމްޕްގެ އަމިއްލަ ރިސޯޓަކީ "ވިންޓަރ ވައިޓް ހައުސް" ގެ ގޮތުގައި މަޝްހޫރުވެފައިވާ ތަނެކެވެ. އެކި ކަހަލަ އިންޒާރުތަކާ ގުޅިގެން ނުވަތަ ސިއްރު މަޝްވަރާތައް ކުރިއަށްގެންދެވުމަށް، ހާއްސކޮށް ރައްކާތެރިކޮށްފައިވާ ސެކިއުރިޓީ ކޮޓަރިތަކާއި އަޑީގައިވާ ސިއްރު ސަރަހައްދުތައް އޭނާ ބޭނުންކުރެއްވިއެވެ.
3. ކޭމްޕް ޑޭވިޑްގެ އަސްކަރީ ބަންކަރުތައް
މެރީލޭންޑްގެ ފަރުބަދަތަކުގެ ތެރޭގައި އޮންނަ އެމެރިކާގެ ރައީސުންގެ ރަސްމީ އެކަހެރި މަރުކަޒު، ކޭމްޕް ޑޭވިޑަކީ އާންމުންނަށް ވަދެ ނުކުމެވޭ ގޮތަށް އޮންނަ އަސްކަރީ ވަސީލަތްތައް ގާއިމުކޮށްފައިވާ ތަނެކެވެ. އިމަޖެންސީ ހާލަތްތަކުގައި ބޭނުންކުރުމަށްޓަކައި އެތަނުގެ އަޑީގައި ވަނީ އެންމެ ފަހުގެ މުއާމަލާތީ ވަސީލަތްތަކާއެކު ވަރުގަދަ ބަންކަރުތަކެއް ހަދާފައެވެ.
4. އެއާ ފޯސް ވަން އުޑުމަތީގެ މަރުކަޒު
ރައީސް ދަތުރުކުރައްވާ "އެއާ ފޯސް ވަން" ބޯޓަކީ ހަމައެކަނި ދަތުރުފަތުރުގެ ވަސީލަތެއް ނޫނެވެ. އެއީ އުޑުމަތީގައި އޮންނަ ވަރުގަދަ ކޮމާންޑް ސެންޓަރެކެވެ. އެއްގަމުގައި ބޮޑެތި ނުރައްކާތަކެއް އުފެދޭ ހާލަތްތަކުގައި، ތެޔޮ އަޅައިގެން ގިނަ ވަގުތު ވައިގެ ތެރޭގައި ދަތުރުކޮށް، ސެކިއުރިޓީ ނުރައްކާތަކުން ރައްކާތެރިކަން ހޯދުމުގެ ގާބިލުކަން މި ބޯޓަށް ލިބިގެންވެއެވެ.
5. ތުރުކީގައި ބޯޓު ބަދަލުކުރެއްވި ސިއްރު ސަރަހައްދު
އެމެރިކާގެ ސީކްރެޓް ސާވިސްއާއި ސިފައިންގެ އިރުޝާދުގެ މަތިން، އީރާނުގެ ހަމަލާ އަކަށް ބިރުން ރައްކާތެރިވުމަށްޓަކައި ޓްރަމްޕް ވަނީ ތުރުކީގެ ސިއްރު އަސްކަރީ ސަރަހައްދެއްގައި ބޯޓު ބަދަލުކުރައްވައި، ރައްކާތެރިކަން ހޯއްދަވާފައެވެ. މިއީ އެކި ތަންތަނަށް ކުރައްވާ ދަތުރުފަތުރުތަކުގައި ރައްކާތެރިކަން ކަށަވަރުކުރުމަށް ސީކްރެޓް ސާވިސްއިން އަޅާ ހާއްސަ ފިޔަވަޅެކެވެ.
