ޖީ-7 ގެ ލީޑަރުންގެ ވަރޗުއަލް ބައްދަލުވުމެއްގައި އެމެރިކާގެ ރައީސް ޑޮނަލްޑް ޓްރަންޕް ނިދާފައި އިންކަން ހާމަ ވެއްޖެއެވެ. އޭނާގެ ކެމެރާ ނިވާލާފައި އޮތުމުން އޭނާ އިނީ ނިދާފައި ކަމަށް ބުނެ ސޯޝަލް މީޑިއާގައި ގިނަ ބައެއްގެ ސަމާލުކަން ހުއްޓިއްޖެއެވެ.
އޮކްޓޯބަރު 2 ގައި ބޭއްވި މި ބައްދަލުވުމަކީ ޖީ-7 ގެ ރިޔާސަތު ބަލަހައްޓަވާ ފްރާންސުގެ ރައީސް އެމެނުއަލް މެކްރޮން އިންތިޒާމު ކުރެއްވި ބައްދަލުވުމެކެވެ. އިންޓަރނޭޝަނަލް އެނަރޖީ އޭޖެންސީގެ ވެރިޔާ ފާތިހް ބިރޯލް ހިއްސާކުރެއްވި ސްކްރީންޝޮޓަކުން ފެންނަ ގޮތުގައި، އެހެން ހުރިހާ ލީޑަރުންގެ ވީޑިއޯ ފެންނަން ހުރިއިރު ޓްރަންޕްގެ ވީޑިއޯ ގޮޅި އޮތީ އަނދިރިކޮށް، ހަމައެކަނި އޭނާގެ ނަން ބޯޑު ފެންނާށެވެ.
މި ފޮޓޯ އާންމުވުމާއެކު ސޯޝަލް މީޑިއާ ބޭނުންކުރާ ފަރާތްތަކުން ވަނީ ޓްރަންޕް އިނީ ނިދާފައި ކަމަށް ބުނެ އަދި އޭނާގެ ބުއްދީގެ ހާލަތާ މެދު ސަމާސާކޮށް، ކެމެރާ ނިވާލައިގެން އިނީ ކަމަށް ބުނެ ކޮމެންޓްކޮށްފައެވެ.
މި ބައްދަލުވުމުގައި ޖީ-7 ގެ ގައުމުތަކުގެ ލީޑަރުންނާއި ޔޫރަޕިއަން ކޮމިޝަންގެ މަންދޫބުން ބައިވެރިވެވަޑައިގެންނެވިއެވެ. ބައްދަލުވުމުގެ މައިގަނޑު މަޝްވަރާތައް ބިނާވެފައިވަނީ ދުނިޔޭގެ ހަކަތައިގެ ޚިދުމަތްތަކާއި، ޑީސަލް މާކެޓަށް ކުރިމަތިވެފައިވާ ގޮންޖެހުންތަކާ މެދުގައެވެ.
