އަހަރަމެންގެ ތެރޭން އެންމެނަކީ ޤުރުއާން ހިތުން ދަސް ބަޔެއް ނޫނެވެ. އަދި އެންމެނަކީ، ފަރިތަކޮށް ކިޔަވާލެވޭ ބަޔެއްވެސް ނޫނެވެ. މިހާރު ޤުރުއާން ކިޔަވަން ބޭނުން ކުރަނީ އެޕްތަކެވެ. ކޮންމެ އެޕެއްގައިވެސް އިސްކިރީނުގައި ޤުރުއާން ފެންނާނީ ސަފްހާއަކުން ސަފްހާއަކުންނެވެ. އެހެންވެ ކުޑަ އިސްކިރީނެއްގައި ފެންނަ ކުދި ސަފްހާތަކުން ކިޔަވަން ބައެއް ފަހަރު ވަރަށް އުދަގޫވެއެވެ.
ޤުރުއާން ފަރިތަކޮށްލަން ބޭނުންވާ މީހާއަށް، މިމައްސަލަ ހައްލުކޮށްދީފައި ވަނީ "ޤުރުއާނިއްޔާ އެޕް" އިންނެވެ. 2023ގައި ތައާރަފް ކުރި މިއެޕް މަގްބޫލުކަން ހޯދާފައި ވަނީ އަހަރަމެން ކަހަލަ ޤުރުއާނަށް ފަރިތަ ނޫން މީހުންގެ އިސްކިރީނުގައި ކޮންމެ އާޔަތެއް ވަކިވަކިން ދައްކައިގެންނެވެ.
ޤުރުއާނިއްޔާ އެޕްގައި ކޮންމެ އާޔަތަކީ ވަކި ކާޑެކެވެ. އިސްކިރީނުގެ ކަނާތް ފަރާތަށް ފިއްތާލުމުން ދެން ޖެހިގެން އޮންނަ އާޔަތަށް ދެވެއެވެ. އަދި ވާތް ފަރާތަށް ފިއްތާލުމުން ކުރީގެ އާޔަތަށް ދެވެއެވެ.
މިގޮތަށް އާޔަތަކުން އާޔަތަކުން އިސްކިރީންގައި ދައްކާލުމުން، ވަކިވަކި އާޔަތްތަކަށް ފުންކޮށް ފޯކަސްކޮށްލައި ކިޔެވުން ފަރިތަކޮށްލަން ފަސޭހަވެއެވެ.
މި އެޕް ބޭނުން ކުރަން ފަށާފައިވާ ކުރީގެ ލާދީނީ މީހުން ބުނަނީ، އާޔަތް ކިޔަންވާ ގޮތް ލެޓިންއަކުރުން ދައްކައި ދޭތީ ފަރިތަކޮށްލަންވެސް ނިކަން ފަސޭހަކަމަށެވެ. އަދި ތަފްސީރާއި މާނާ ވެސް ދައްކައެވެ.
އެޕްގައި އިނގިރޭސި ބަހާއި އަރަބީގެ އިތުރުން އެހެން ބަސްތައްވެސް ހިމަނާފައި ވެއެވެ.
މި އެޕް ތަރައްޤީކޮށްފައި ވަނީ ޢަބްދުއްރައްޒާޤު ޢަލީ ނަމަކަށް ކިޔާ މީހެކެވެ. އޭނާ ބުނަނީ މިއީ "މިބާވަތުގެ ފުރަތަމަ ސްމާޓް ޤުރުއާން ކާޑު ޑެކް އެޕް" ކަމަށެވެ. އެއީ ކޮންމެ އާޔަތެއްވެސް ކާޑެއްގެ ގޮތުގައި ދައްކައި ދޭތީއެވެ.
އިސްކިރީނުގައި ކޮންމެ އާޔަތެއް ވަކިން ދެއްކިއަސް ބޭނުން ސަފްހާއަކަށް އަދި ބޭނުން ސޫރަތަކަށް ނޫނީ ބޭނުން ފޮތަކަށްވެސް ފަސޭހައިން ދެވިދާނެއެވެ.
އަދި ބައެއް މަޝްހޫރު ޤާރީންގެ ޤިރާއަތްތައްވެސް އަޑު އަހައި އަޑުދަށުން ފަރިތަވެސް ކޮށްލެވޭނެއެވެ. މި އެޕްގައި އާއިލާ މީހުން ހިމަނައިގެން ކޮމިއުނިޓީއެއްވެސް ހެދިދާނެއެވެ.
އިތުރު މަޢުލޫމާތު ހޯއްދެވުމަށް quraneyah.com އަށް ޒިޔާރަތް ކުރައްވާށެވެ. ނޫނީ އެޕް ސްޓޯރ އިން އެޕް ޑައުންލޯޑް ކޮށްލައްވާށެވެ.
