ޤުރުއާނާއި ޙަދީސުގެ އަލީގައި އީރާން

ޤުރުއާނާއި ޙަދީސުގެ އަލީގައި އީރާން

ޙުސައިން ރަޝީދު އަޙުމަދު

އަޅުގަނޑު އީރާން ދެކެ ލޯބިވެ ސަޕޯޓުކުރާ ތަފާތު ސަބަބުތައް އެބަހުއްޓެވެ. އެއީ :

• އެތާގެ ރައްޔިތުންގެ 99% އަކީ މުސްލިމުން ކަމުގައި ވާތީއެވެ.

• އެމީހުންގެ ތައުރީފުގައި ކީރިތި ރަސޫލާ صلعمގެ މިޙަދީސު ބަސްފުޅު އައިސްފައިވާތީއެވެ. وَالَّذِي نَفْسِي بِيَدِهِ لَوْ كَانَ الْإِيمَانُ مَنُوطًا بِالثُّرَيَّا لَتَنَاوَلَهُ رِجَالٌ مِنْ فَارِسَ (މާނައީ ﷲ ގަންދީ ވިދާޅުވަމެވެ. ޢިލްމާއި އީމާންކަން އަސްމާނީ ތަރިތަކުގައި އެލުވިފައި ހުއްޓަސް ފާރިސް ކަރައިގެ (އީރާނު) މީހުން އެކަންކަން ޙާޞިލުކުރާނެއެވެ.) [މިއީ ބުޚާރީއާއި މުސްލިމާއި ތިރްމިޛީއާއި އަޙްމަދު ރިވާ ކުރެއްވި ޙަދީސެކެވެ.]

• އެމީހުން ސިފަ ބަޔާންކުރަށްވައި ކީރިތި ﷲ މޫރިތި ޤުރުއާނުގެ ޖުމުޢާ ސޫރަތުގެ 3 ވަނަ އާޔަތުގައި މިފަދައިން ވަޙީ ކުރަށްވާފައި ވާތީއެވެ. وَآخَرِينَ مِنْهُمْ لَمَّا يَلْحَقُوا بِهِمْ ۚ وَهُوَ الْعَزِيزُ الْحَكِيمُ (އަދި ތަޢުލީމާއި ޙިކުމަތާއިގެން ﷲ އެކަލާނގެ ރަސޫލާ ފޮނުއްވީ އެއުރެންގެ ތެރެއިން އެހެން ބަޔެއްގެ ގާތަށްވެސްމެއެވެ. އެއުރެންނީ، އެމީހުންގެ ތެރެއަށް އަދި ނާންނަ ބަޔެކެވެ. އަދި އެކަލާނގެއީ، عزيز ވަންތަ حكيم ވަންތަ ރަސް ކަލާނގެއެވެ.) [މިއާޔަތް ބާވައިލެއްވުމުން ކީރިތި ރަސޫލާ ސަލްމާން ފާރިސީގެ ފައިންޕުޅުގައި އަތްޕުޅު ބީއްސަވާފައި ވިދާޅުވީ އެއީ މީނާގެ ޤައުމުން އަންނާނެ މީހުންނެވެ.]

• އިސްލާމީ ބޮޑު ޙަޟާރަތެއް އޮތް ތަނަކަށް ވާތީއެވެ.

• އެތާނގެ ބިމުން ދީނުގެ އެކި ފަންނު ތަކުގެ ބޮޑެތި ޢިލްމުވެރިން އުފަންކުރި ތަނަކަށް ވާތީއެވެ

• އަޅުވެތިކަމެއް ނެތް މުސްލިމުންގެ ބާރުވެރި ވެރިކަމެއް ހިންގާ ތަނަކަށްވާތީއެވެ.

• ދިވެހި ރާއްޖެއަށް އިސްލާމްދީން ފޯރުވި ސަބަބަކަށް އެތަންވާތީއެވެ .

• ދިވެހި ބަސް ފާރިސީ ބަހާ އިންތިހާއަށް ގުޅިފައިވާ ބަހެއްގެ ބިމަށް ވާތީއެވެ.

• ޢަދާވާތްތެރި ޔަހޫދީންނާއި ރައުސްމާލީންނަށް ބޯނުލަބާ ބަޔަކު ކަމުގައި ވާތީއެވެ.

• އީރާނުގައި އިސްލާމީ ޙަޟާރަތުގެ ބޮޑެތި ބޮޑެތި އާސާރުތައް ހުންނަތަނަކަށް ވާތީއެވެ

މިކަންކަމާހުރެ އަޅުގަނޑު އީރާނަށް ސަޕޯޓު ކުރަނީއެވެ. ހަސަދަވެރިން ކިތަންމެ ރުޅިއަޔަސް މަޖޫސިންނޭ ކިޔަސް ﷲގެ ކަލާމްފުޅާއި ކީރިތި ރަސޫލާގެ ޙަދީސު ބަސްފުޅެއް ދޮގުނުކުރެވޭނެއެވެ.