އަފްޣާނިސްތާނަށް ޕާކިސްތާނުން ދޭ ހަމަލާތަކަކީ ޕާކިސްތާނުގެ ނިމުމުގެ ފެށުން ކަމަށް އިންޑިއާގެ ފޮރިން މިނިސްޓްރީގެ ކުރީގެ ސްޓޭޓް މިނިސްޓަރު އެމްޖޭ އަކްބަރު ވިދާޅުވެއެވެ. އޭނާ ފާހަގަކުރެއްވި ގޮތުގައި ޚައިބަރު ޕަޚްތުންޚްވާ އަދި ބަލޫޗިސްތާނުގައި ހިނގަމުންދާ ވަކިވަކިވުމުގެ ހަރަކާތްތަކާއި، ޒުވާން ޖީލުގެ މެދުގައި އިތުރުވަމުންދާ ހަމަނުޖެހުންތަކަކީ ޕާކިސްތާންގެ އެތެރޭގެ ބައިބައިވުމުގެ ނިޝާންތަކެކެވެ.
އަކްބަރު އިތުރަށް ފާހަގަކުރެއްވި ގޮތުގައި ޗައިނާއިން 7 ބިލިއަން ޑޮލަރުގެ ރޭލްވޭ މަޝްރޫޢު ކުރިއަށް ނުގެންދާން ނިންމުމަކީ ކޮރަޕްޝަނާއި ދަރަނި އަނބުރާ ދެއްކުމުގެ ރިސްކާމެދު ޗައިނާއިން ކަންބޮޑުވާކަން ދައްކުވައިދޭ ކަމެކެވެ. މިހާރު ޕާކިސްތާނުން ވަނީ އޭޝިއަން ޑިވެލޮޕްމަންޓް ބޭންކުން މި މަޝްރޫޢަށް ފައިސާ ހޯދުމަށް މަސައްކަތް ފަށާފައެވެ.
މި ހަމަލާތަކާ ގުޅިގެން ޕާކިސްތާނުގެ ޚާރިޖީ ސިޔާސަތާއި އިޤްތިޞާދީ ހީނަރުކަމާމެދު ސުވާލު އުފެދިފައިވެއެވެ. އަކްބަރު ވިދާޅުވެފައިވަނީ އިސްލާމާބާދުގެ ސްޓްރެޓެޖީއަކީ އޮޅުވާލުން ބޭނުން ކުެރުމުގެ ސިޔަސަތެއް ކަމަށާއި، ޕާކިސްތާންގެ އެތެރޭގެ ބޮޑެތި މައްސަލަތައް ފޮރުވުމަށްޓައި ބާރު ދެއްކުމުގެ މި ފަދަ ޙަރަކާތްތައް ބޭނުންކުރަނީ ކަމަށެވެ.
