މީޑިއާ ރިޕޯޓްތަކާއި ސިޔާސީ މަސްދަރުތަކުން ބުރާސްފަތި ދުވަހު ބުނެފައިވާ ގޮތުގައި، ބަންގްލާދޭޝްގެ ރައީސް މުޙައްމަދު ޝަހާބުއްދީންގެ ދައުރު ހަމަވުމުގެ ގާތްގަނޑަކަށް ދެ އަހަރު ކުރިން، މަގާމުން އިސްތިއުފާ ދެއްވުން ގާތެވެ.
ޝަހާބުއްދީން ރައީސްކަމުގެ މަގާމަށް އިންތިޚާބުކުރީ ކުރީގެ މަޖިލީހުންނެވެ. އަދި ބޮޑުވަޒީރު ޝޭޚް ހަސީނާގެ އަވާމީ ލީގު ސަރުކާރު ވައްޓާލި 2024 ވަނަ އަހަރުގެ ޖުލައި-އޯގަސްޓް މަހުގެ ދަރިވަރުންގެ މުޒާހަރާތަކަށްފަހު، ގާނޫނީ އުސޫލުން އަދިވެސް މަގާމުގައި ދެމިހުންނެވި ހަމައެކަނި ބޭފުޅަކީ އެއީއެވެ. ހަސީނާ ވަނީ 5 އޯގަސްޓް 2024 ގައި އިންޑިއާއަށް ފިއްލަވައި، އޭގެ ފަހުން ދިރިއުޅުއްވަމުން ދަނީ އެގައުމުގައެވެ.
އިތުރު ތަފްސީލެއް ނުދެއްވައި، ބޮޑުވަޒީރު ތާރިޤް ރަޙްމާންގެ ވެރިކަން ކުރާ ބަންގްލާދޭޝް ނޭޝަނަލިސްޓް ޕޓީ (ބީއެންޕީ) ގެ އިސް ލީޑަރަކު ޕީޓީއައި އަށް ވިދާޅުވީ، 'އޭނާ ވަރަށް އަވަހަށް އިސްތިއުފާ ދެއްވުން ގާތް' ކަމަށެވެ.
ނަމަވެސް، ބަންގްލާދޭޝްގެ މީޑިއާ އޭނާގެ އިސްތިއުފާއާ ގުޅޭގޮތުން ގެނެސްދިން ރިޕޯޓްތަކަށް ފާއިތުވި ދެ ދުވަހު ބޮޑު ސަމާލުކަމެއް ލިބިފައިވާއިރު، އެ ރިޕޯޓްތަކުން ދައްކާ ގޮތުގައި ބޮޑުވަޒީރު ރަޙްމާންގެ ސަރުކާރަށް މިހާރު ޝަހާބުއްދީނާއެކު މަސައްކަތް ކުރަން ފަސޭހައެއް ނޫން ކަމަށް ބުނެއެވެ. ނޫސް 'ޕްރޮތޮމް އަލޯ' އިން ސަރުކާރުގެ މަތީ ފަންތީގެ މަސްދަރަކާ ހަވާލާދީ ބުނެފައިވަނީ، ޝަހާބުއްދީން ހަސީނާއާ އަލުން ގުޅުން ގާއިމުކުރަން މަސައްކަތްކުރެއްވި ކަމަށް ބުނާ ރިޕޯޓްތަކާ ގުޅިގެން ސަރުކާރުން ސަރުކާރުން ބޭނުންވނީ އިސްތިއުފާ ދޭށެވެ.
ބީއެންޕީގެ އިސް ލީޑަރަކު 'ދަ ޑެއިލީ ސްޓާ' އަށް ވިދާޅުވި ގޮތުގައި، ޝަހާބުއްދީން އިސްތިއުފާ ދެއްވަން އުޅުއްވާ ކަމަށް ބެލެވޭ ހަމައެކަނި ސަބަބަކީ އެންމެ ފަހުން ރިޕޯޓްކުރެވުނު ފޯނު ކޯލެއް ނޫނެވެ. އަދި އެނބުރި ގައުމަށް ވަޑައިގަންނަވާނެ ކަމަށް ހަސީނާ އިއުލާން ކުރެއްވުމާއެކު ބަންގްލާދޭޝްގެ ސިޔާސީ މަސްރަހު އިތުރަށް ނާޒުކުވެފައިވާތީ، މި މައްސަލައަކީ "މިއަށްވުރެ ނާޒުކު އަދި އޮޅުންބޮޅުން ބޮޑު" މައްސަލައެކެވެ.
