ބަންގްދަދޭޝްގެ މަރުކަޒީ ބޭންކުން އަނެއްކާވެސް ލޯނުތައް އަނބުރާ ދެއްކުމުގެ މުއްދަތު އިތުރުކޮށްދީ، ބޮޑެތި ދަރަނިވެރިންނަށް ޚާއްސަ ލުއިތަކެއް ދީފިއެވެ. މި އައު ނިންމުމުގެ ސަބަބުން އެ ޤައުމުގެ އިޤްތިޞާދީ މާހިރުންގެ ކަންބޮޑުވުންތައް ވަނީ ބޮޑުވެފައެވެ.
އައު ސިޔާސަތުގެ ދަށުން، އެއް ބިލިއަން ޓާކާއަށްވުރެ ބޮޑު ކޮށް ނުދެއްކި ހުރި ލޯނުތައް ދެއްކުމަށް 15 އަހަރުގެ މުއްދަތެއް ލިބިގެންދާނެއެވެ. މީގެ ތެރޭގައި ދެ އަހަރު ދުވަހުގެ ގްރޭސް މުއްދަތެއްވެސް ހިމެނެއެވެ. މަރުކަޒީ ބޭންކުން މިފަދަ ފިޔަވަޅުތައް އަޅަމުންދަނީ ބޭންކުތަކުގެ ޚަރަދުތައް ކުޑަކޮށް، ދަރަނި ނުދެއްކޭ ފަރާތްތަކަށް ފުރުސަތު ދިނުމުގެ ގޮތުން ކަމަށް ބުނި ނަމަވެސް، މިއީ ދަރަނި ނުދައްކާ ފަރާތްތަކަށް ދެވޭ ޚާއްސަ ފުރުސަތެއްގެ ގޮތުގައި ގިނަ ބަޔަކު ސިފަކުރެއެވެ.
މިއަހަރުގެ މާޗް މަހުގެ ނިޔަލަށް ބަންގްދަދޭޝްގެ ބޭންކުތަކުގެ ޖުމްލަ ދަރަނީގެ 32 އިންސައްތައަށްވުރެ މަތީ އަދަދެއް އޮތީ ނުދެއްކިފައެވެ. މިއީ ދުނިޔޭގެ ނިސްބަތުން ވަރަށް ނުރައްކާތެރި މިންވަރެކެވެ.
ޑާކާ ޔުނިވަރސިޓީގެ އިޤްތިޞާދީ މާހިރު ސަލިމް ރައިހާން ވިދާޅުވިގޮތުގައި، މިފަދަ ބޮޑެތި ލުއިތަކެއް ދިނުމުން ވަގުތީ ގޮތުން ޕްރެޝަރު ކުޑަވި ނަމަވެސް، މިއީ ލޯނުތައް އަނބުރާ ދެއްކުމުގެ އަޚުލާޤު ނައްތާލައި، އިތުރަށް ދަރަނި ނުދެއްކުމަށް ހިތްވަރުލިބޭ ކަމެކެވެ. އަދި ބޭންކިންގް ނިޒާމަށް ހަޤީޤީ އިސްލާޙުތަކެއް ގެންނަންޖެހޭ ކަމަށް އޭނާ ފާހަގަކުރެއްވިއެވެ.
