ޣައްޒާގައި އިސްރާއީލުން ހިންގަމުންދާ އަސްކަރީ ހަމަލާތަކާ ގުޅިގެން، ލަވަ ކިއުމުގެ ދުނިޔޭގެ އެންމެ ބޮޑު މުބާރާތް ކަމަށްވާ "ޔޫރޯވިޝަން ސޮންގް ކޮންޓެސްޓް" ގައި އިސްރާއީލު ބައިވެރިކުރާތީ، އަންނަ 2027 ވަނަ އަހަރު ބާއްވާ މުބާރާތް ބޮއިކޮޓްކޮށް، މުބާރާތުގައި ބައިވެރިނުވާން ނެދަލޭންޑްސްއިން ނިންމައިފިއެވެ. މިއީ އިސްރާއީލުގެ ބައިވެރިވުމާ މެދު އުފެދިފައިވާ އިޖުތިމާއީ ޚިޔާލު ތަފާތުވުންތަކުގެ ސަބަބުން މި މުބާރާތުން ވަކިވާން ނިންމި ޔޫރަޕުގެ ދެވަނަ ގައުމެވެ.
ނެދަލޭންޑްސްގެ ގައުމީ ބްރޯޑްކާސްޓިންގ އިދާރާ (އެންޕީއޯ) އިން އަންގާރަ ދުވަހު ނެރުނު ބަޔާނެއްގައި ބުނެފައިވަނީ، އިސްރާއީލުން މުބާރާތުގައި ބައިވެރިވުމަކީ އާންމުންގެ މެދުގައި ބޮޑެތި ބަހުސްތަކާއި ބައިބައިވުން އުފެދެމުންދާ ކަމެއް ކަމަށެވެ. އެންޕީއޯގެ މީޑިއާ ޑިރެކްޓަރު ޔޫރީ ބޮސްމަން ވިދާޅުވީ، ބްރޯޑްކާސްޓަރުންގެ ބޯޑާއެކު މަޝްވަރާކުރުމަށްފަހު، 2027 ވަނަ އަހަރުގެ މުބާރާތުގައި ނެދަލޭންޑްސްއިން ބައިވެރިނުވުމަށް ނިންމާފައިވާ ކަމަށެވެ.
މި ނިންމުމަކީ ފާއިތުވި މަސްތަކުގައި ނެދަލޭންޑްސްގެ މީޑިއާ އިދާރާތަކުގެ މެދުގައި ބޮޑެތި ޚިލާފުތަކެއް އުފެދި، އެކި ގޮތްގޮތަށް ނިންމުންތައް ބަދަލުކުރުމަށްފަހު ނިންމި ނިންމުމެކެވެ
