އިންޑިއާގެ ޗީފް އޮފް ދަ އާމީ ސްޓާފް ޖެނެރަލް އުޕެންދްރާ ދުވެދީ ޑިސެމްބަރު މަހުގެ އެއްވަނަ ދުވަހުން ދެ ވަނަ ދުވަހަށް ސްރީލަންކާއަށް ރަސްމީ ދަތުރުފުޅެއްގައި ވަޑައިގަންނަވާނެއެވެ. މި ދަތުރު ކުރިއަށް ގެންދަނީ އަވަށްޓެރި ދެގައުމުގެ ދެމެދުގައި މަތީ ފެންވަރުގެ އަސްކަރީ ބަދަލުތަކެއް ހިންގަމުންދާ ދަނޑިވަޅެއްގަ އެވެ.
މީގެ ކުރިން ކުރި ޒިޔާރަތްތަކުގެ ތެރޭގައި އިންޑިއާގެ ޖެނެރަލް އެމް.އެމް. ނަރަވާނޭ 2021 ވަނަ އަހަރު ކުރެއްވި ރަސްމީ ދަތުރުފުޅާއި 2025 ވަނަ އަހަރުގެ ސެޕްޓެމްބަރު މަހު އެޑްމިރަލް ދިނޭޝް ޓްރިޕާތީ ކުރެއްވި ދަތުރުފުޅު ހިމެނެއެވެ. މި ގުޅުމާއެކު ދެގައުމުގެ ދެމެދު ވަނީ އިތުބާރާއި އޮޕަރޭޝަން އެއް ގޮތް ކުރުމުގެ ސަގާފަތެއް އުފެދިފައެވެ.
އިންޑިއާ ސިފައިން ބުނާ ގޮތުގައި ޖެނެރަލް ދުވެދީ ސްރީލަންކާގެ ސިޔާސީ އަދި އަސްކަރީ ލީޑަރުންނާ އެކު ބާއްވާ ބައްދަލުވުންތަކުގައި އަލިއަޅުވާލައްވާނީ ތަމްރީނުގެ ފުރުސަތުތައް ފުޅާކުރުމާއި، ގުޅިގެން ތަމްރީންތައް ހިންގުމަށާއި ފަންނީ ގޮތުން ތަޖުރިބާއާއި މަޝްވަރާތައް ބަދަލު ކުރުމަށެވެ.
އިންޑިއާއާއި ސްރީލަންކާއިން ބާރުއަޅަނީ ސްޓްރެޓެޖިކް އޮޓޮނޮމީ އާއި ޓެރަރިޒަމާ ދެކޮޅަށް މަސައްކަތް ކުރުމަށާއި ސަރަހައްދީ ހަމަޖެހުމަށެވެ. އިންޑިއާއިން ބުނާ ގޮތުގައި ސްރީލަންކާއަކީ ގާތް އަވަށްޓެރިއެއްގެ ގޮތުގައި، އަގުހުރި ބައިވެރިއެކެވެ.
