އެމެރިކާގެ ދިފާއީ ވަޒީރު ޕީޓް ހެގްސެތު މަގާމުން އަޒުލުކުރުމަށްޓަކައި ހައުސް އޮފް ރެޕްރެޒެންޓެޓިވްސްއަށް ހުށަހެޅުމަށް ހަމަޖެހިފައިވާ ޤަރާރަށް ތާއީދުކުރައްވާނެ ކަމަށް ހައުސްގެ ޑިމޮކްރެޓިކް ލީޑަރު އަދި ކުރިއަށް އޮތް ތަނުގައި ހައުސްގެ ސްޕީކަރުގެ މަގާމަށް ވަޑައިގަންނަވާނެ ކަމަށް ބެލެވޭ ހަކީމް ޖެފްރީސް އިއުލާނުކުރައްވައިފިއެވެ. މިއީ ފާއިތުވި ހަފުތާގައި ބޭއްވ އިންތިޚާބުގައި ރިޕަބްލިކަން ޕާޓީއަށް ކުރިމަތިވި ބޮޑު ނާކާމިޔާބީއަށްފަހު، ރައީސް ޑޮނަލްޑް ޓްރަމްޕްގެ ކެބިނެޓުގެ އިސް ވަޒީރަކު މަގާމުން ވަކިކުރުމަށް ގޮވާލާ ގޮވާލުންތަކަށް ލިބުނު ބޮޑު ބާރެކެވެ.
އޭބީސީ ނިއުސްގެ "ދިސް ވީކް" ޕްރޮގްރާމަށް ދެއްވި އިންޓަވިއުއެއްގައި ޖެފްރީސް ވިދާޅުވީ، މި ހަފުތާގައި ހައުސްގެ ތަޅުމަށް ހުށަހެޅުމަށް ތައްޔާރުވަމުންދާ އަޒުލުކުރުމުގެ ޤަރާރަށް އޭނާ ފުރިހަމައަށް ތާއީދުކުރައްވާނެ ކަމަށެވެ. މިއީ ޕީޓް ހެގްސެތު މަގާމުން ވަކިކުރުމުގެ ޚިޔާލަށް ޑިމޮކްރެޓިކް ޕާޓީގެ އިސް ލީޑަރަކު އާންމުކޮށް ތާއީދުކުރެއްވި ފުރަތަމަ ފަހަރެވެ.
"ދިފާއީ ވަޒީރުގެ ނަމުގައި ހުރި ފަރާތުން ވަނީ އޭނާގެ ބާރުގެ ބޭނުން ނާޖާއިޒު ގޮތުގައި ހިފައި، ގައުމީ ސަލާމަތަށް ހުރަސްއަޅައި، އީރާނާ ދެކޮޅަށް ވިސްނުމެއް ނެތް ބޮޑު ޚަރަދެއް ހިނގާ ހަނގުރާމައެއް ފަށާފައި،" ޖެފްރީސް ވިދާޅުވިއެވެ. "ޕީޓް ހެގްސެތު ޖެހޭނީ މަގާމުން ވަކިވާން."
ފާއިތުވި ހަފުތާގައި ބޭއްވި މިޑްޓާމް އިންތިޚާބުގައި ހައުސްއާއި ސެނެޓުގެ ގޮނޑިތައް ކާމިޔާބުކޮށްގެނާ ޑިމޮކްރެޓުން ދަނީ ޓްރަމްޕްގެ ސަރުކާރށް ފާރަވެރިވުމުގެ ވަރުގަދަ ސްޓްރެޓެޖީ އެއް އެކުލަވާލަމުންނެވެ. ނަމަވެސް، އިންތިޚާބަށްފަހު ޚާއްސަކޮށް ޕީޓް ހެގްސެތުއަށް ދެ ޕާޓީގެ މެންބަރުންގެ ސިޔާސީ ފިއްތުންތައް ބޮޑުވެފައިވުމުން، އައު ކޮންގްރެސްގެ މަސައްކަތް ފެށުމުގެ ކުރިންވެސް ބޮޑެތި ފިޔަވަޅުތަކެއް އަޅަންޖެހިދާނެ ކަމަށް ބެލެވެއެވެ.
މި މައްސަލައިގެ ތެރެއިން، ޓްރަމްޕް ތާއީދުކުރެއްވި ކެންޑިޑޭޓެއްގެ އަތުން ޕްރައިމަރީގައި ނާކާމިޔާބުވެ، ދައުރު ނިމުމުން ރިޓަޔާ ކުރައްވާ ކެންޓަކީގެ ރިޕަބްލިކަން ރެޕްރެޒެންޓެޓިވް ތޯމަސް މެސީ ވަނީ ޕީޓް ހެގްސެތު އަޒުލުކުރުމުގެ ވޯޓު މި ހަފުތާގައި ހައުސްގައި ނެގުމަށް މަސައްކަތްކުރައްވާނެ ކަމަށް ވިދާޅުވެފާފައެވެ.
އެމެރިކާގެ ދިފާއީ ވަޒީރު މަގާމުން ވަކިކުރުމުގެ މައްސަލަ ހޫނުވެފައިވާއިރު، ރައީސް ޓްރަމްޕާއި ނައިބު ރައީސް ވެންަް މިކަމުގައި ކަން ކުރާނެ ގޮތެއް ނުވިސްނެއެވެ.
