މާލޭގައި ހިންގަމުން އައި ސީއެޗްއެސްއީގެ އިމާރާތް ގިނަ ދުވަސް ވެގެންނާއި ޖާގައިގެ ދަތިކަން އިތުރުވެގެން ބަންދުކުރުމަށްފަހު އަލުން އެ އިމާރާތް ރަސްމީކޮށް ރައީސް ޑރ. މުޙައްމަދު މުޢިއްޒު ހުޅުއްވައިދެއްވައިފިއެވެ.
ސީއެޗްއެސްއީގެ މާލޭ އިމާރާތް ރަސްމީކޮށް އަލުން ހުޅުވައިދެއްވީ، ރޭ އެ ސްކޫލުގައި ބޭއްވި ރަސްމިޔާތެއްގައި ރައީސުލްޖުމްހޫރިއްޔާ، ޑރ. މުހައްމަދު މުއިއްޒެވެ.
މިދިޔަ ސަރުކާރުން ވަނީ ސީއެޗްއެސްސީގެ އިމާރާތް ބަންދުކޮށް، ހުޅުމާލޭގައި އައު އިމާރާތުގައި ކިޔަވައިދޭން ފަށާފަށެވެ.
ސީއެޗްއެސްއީގެ މާލޭ ސްކޫލް ރަސްމީކޮށް ހުޅުވުމަށް ރޭ ބޭއްވި ރަސްމިޔާތުގައި އެސްކޫލްގެ ދަރިވަރުންގެ ފަރާތުން ވަނީ ސްކޫލުގެ އެހާރާއި މިހާރުގެ ހަނދާނީ ރަމްޒެއް ވެސް ރައީސްއަށް އަރުވާފައެވެ. ރައީސަށް ދަރިވަރުން ވަނީ ހަނދާނީ ފޮޓޯފިލާއެއްވެސް އަރުވާފައެވެ.
އެސްކޫލުގެ ޕްރިންސިޕަލް ޢަބްދުﷲ ދީދީގެ ވާހަކަފުޅުގައި ދަރިވަރުންނާއި ބެލެނިވެރިންގެ ޝަކުވާ ރައީސުލްޖުމްހޫރިއްޔާ އެއްސެވީތީ އެކަމަށް ޝުކުރު އަދާ ކުރެއްވިއެވެ.
މިހާރުގެ ސީއެޗްއެސްސީއަކީ ކުރިން ސައިންސް އެޑިއުކޭޝަން ސެންޓަރ އެވެ. އެތަން ހުޅުއްވައި ދެއްވީ ރައީސް މައުމޫނުގެ ވެރިކަމުގައި 1979ގައެވެ.
