ނިއު ޔޯކް ޓައިމްސްގެ ރިޕޯޓެއްގައި ބުނެފައިވާ ގޮތުގައި، "އޮޕަރޭޝަން ސިންދޫރު" އަކީ، އޭޕްރިލް 22 ގައި ޕަހަލްގާމްގައި ހިނގި ޓެރަރިސްޓް ހަމަލާގައި 26 އާންމު ރައްޔިތުން މަރުވުމާ ގުޅިގެން ޕާކިސްތާނަށް ދިން ޖަވާބީ ހަމަލާއެކެވެ. މި ހަމަލާއިން އިންޑިއާއަށް ޕާކިސްތާނުގެ މައްޗަށް ސާފު ބާރުވެރިކަމެއް ލިބުނެވެ. ނިއުކްލިއަރ ހަތިޔާރު ގެންގުޅޭ މި ދެ އަވައްޓެރި ޤައުމުގެ މެދުގައި ކުރެވުނު އެންމެ މުހިންމު ހަނގުރާމައިގެ ގޮތުގައި ބެލެވޭ މި ހަތަރު ދުވަހުގެ ހަނގުރާމައިގައި، އިންޑިއާއަށް ސީދާ އަމާޒުކޮށްގެން ދިން ހަމަލާތަކުން ޕާކިސްތާނުގެ އަސްކަރީ ތަންތަނަށް ބޮޑެތި ގެއްލުންތަކެއް ލިބުނެވެ. މީގެ ތެރޭގައި ޕާކިސްތާނުގެ އަސްކަރީ މައި މަރުކަޒާ ކައިރީގައިވާ ނޫރު ޚާން އެއަރ ބޭސް ހިމެނެއެވެ. މެކްސަރ ޓެކްނޮލޮޖީސްއިން ނެގި ސެޓެލައިޓް މަންޒަރުތަކުން ދައްކާ ގޮތުގައި، ކޮންޓްރޯލް ކުރެވިފައިވާ ގެއްލުންތަކެއް ދީފައި ވެއެވެ. އަދި ސާފުކޮށް ފެންނަ ގެއްލުންތަކެއް ލިބިފައިވާ ކަން ފާހަގަ ވެއެވެ.
މިގޮތުން ގެއްލުން ލިބިފައިވަނީ މައިގަނޑު ގޮތެއްގައި ހޭންގަރުތަކާއި ރާޑާރ ސިސްޓަމްތައް ފަދަ ޕާކިސްތާނުގެ އަމާޒުތަކަށެވެ. އެހެންނަމަވެސް، އިންޑިއާގެ އުދަމްޕޫރު ބޭސް ހަލާކުކުރެވުނު ކަމަށް ޕާކިސްތާނުން ކުރި ދަޢުވާއަށް އެއްވެސް ހެއްކެއް ދެއްކިފައެއް ނުވެއެވެ. އިންޑިއާއިން ސްކަލްޕް، ހެމަރ އަދި ބްރަހްމޯސް މިސައިލްތައް ބޭނުންކުރުމާއެކު، ޕާކިސްތާނަށް ޗައިނާއިން ފޯރުކޮށްދީފައިވާ ދިފާޢީ ވަސީލަތްތައް ހުއްޓުވުމުން، އިންޑިއާގެ ޓެކްނޮލޮޖީގެ މޮޅުކަން ހާމަވެގެން ދިޔައެވެ. މެއި 8 އިން 10 އަށް ޕާކިސްތާނުން ދިން ރައްދު ހަމަލާތަކުގެ އަމާޒަކަށްވީ އާންމު ރައްޔިތުންނާއި އަސްކަރީ ތަންތަނެވެ. ނަމަވެސް، އިންޑިއާއިން ޕާކިސްތާނުގެ 13 ބޭސްއަކަށް ދިން ގަދަފަދަ ރައްދު ހަމަލާތަކުން އިންޑިއާގެ ސްޓްރެޓެޖިކް ބާރުވެރިކަން ހާމަވެގެން ދިޔައެވެ.
