އެމެރިކާ އާއި އީރާނުގެ މަޝްވަރާތަކުގައި އިސްލާމްއާބާދުން އަދާކުރި މެދުވެރިއެއްގެ ދައުރުގެ ސަބަބުން "ޕާކިސްތާނަށް ކާމިޔާބުވެ، އިންޑިއާ ބަލިވީ" ކަމަށް ދެކޭ ވާހަކައަކީ ހިތްގައިމު ވާހަކައެއް ނަމަވެސް، އެއީ ކުށް ހީއެކެވެ.
ޕާކިސްތާނުން އީރާން، ސައުދީ އަރަބިއްޔާ، ޗައިނާ އަދި އެމެރިކާއާއެކު އޮތް ގުޅުމުގެ ބޭނުން ހިފައިގެން، 2026 އޭޕްރީލް މަހުގެ ހަމަލާ ބަދަލުކުރުން ހުއްޓާލުމުގެ އެއްބަސްވުމެއް ގެނައުމަށް އެހީތެރިވެ، މަޝްވަރާތައް ބޭއްވިއެވެ. ނަމަވެސް މެދުވެރިއެއްގެ ދައުރު އަދާކުރުމަކީ މެދުފަންތީގެ ބާރުތަކުން ބޭނުންކުރާ ވަސީލަތެކެވެ. އެއީ ޙަޤީޤީ ނުފޫޒަށްވުރެ ބޮޑަށް، ފެންނަން ހުރުމަށް ކުރާ ކަމެކެވެ. މާ ބޮޑު ބާރެއް ކަމަށްވާ އިންޑިއާއިން އިޚްތިޔާރުކުރީ މެދުވެރިއެއްގެ ދައުރު އަދާނުކުރުމަށެވެ.
އިންޑިއާއިން އިސްރާއީލާއެކު ބާއްވާ ފުން ދިފާޢީ ބައިވެރިވުން، 2026 ގެ ކުރީކޮޅު "ޚާއްޞަ އިސްތިރާޖީ ބައިވެރިވުމަކަށް" މަތިކޮށްފައި އޮތުމުން، ވޮޝިންގޓަނާއި ތެހެރާންގެ ދެމެދުގައި ފާޅުކަން ބޮޑު ގޮތެއްގައި މެދުވެރިއެއްގެ ދައުރު އަދާކުރުމަކީ ސިޔާސީ ގޮތުން އިންޑިއާއަށް އުނދަގޫ ކަމެކެވެ.
ފާއިތުވި އަހަރުތަކުގައި އިސްރާއީލުގެ އެންމެ ބޮޑު ހަތިޔާރު ގަންނަ ޤައުމުގެ ގޮތުގައި އިންޑިއާ އޮވެ، ނިއުދިއްލީން އެމެރިކާ އާއި އީރާނާ ދެމެދު އިށީންނަން އުޅުނުނަމަ، ގިނަ ގުޅުންތަކަކުން ބޮޑު އަގެއް ދައްކަން ޖެހުނީހެވެ.
ނަމަވެސް ހުރަސްތައް މަދު ޕާކިސްތާނުން އެ ދައުރު އަދާ ކުރަން ފަސޭހައެވެ. ނަމަވެސް އެޤައުމުގެ "ކާމިޔާބީ" އަކީ ނާޒުކު އެއްޗެކެވެ. އޭޕްރީލް މަހުގެ މަޝްވަރާތައް ނިމުނީ އެއްވެސް ކުރިއެރުމެއް ނުލިބިއެވެ. އެމެރިކާއިން އެ އެއްބަސްވުމާޚީލާފްވެ ބޮލާލައި ޖެއްސެވެ.
އިންޑިއާއަށް ބަލާއިރު، މީގެ ނަތީޖާ ގުޅިފައިވަނީ އޮނިގަނޑާއެވެ. އިންޑިއާގެ ސާފުނުކުރާ ތެލުގެ %41، އެލްއެންޖީގެ %55 އަދި އެލްޕީޖީ އިމްޕޯޓްގެ %88 ދަތުރުކުރަނީ ހުރުމުޒު ކަނޑުއޮޅިންނެވެ.
މި ހަނގުރާމައިގެ ސަބަބުން އިންޑިއާގެ ސާފުނުކުރާ ތެލުގެ އަގު ފެބްރުއަރީ މަހު ފީފާއެއް 69 ޑޮލަރުގައި ހުރުމަށްފަހު މާރޗް މަހު 113 ޑޮލަރަށް އުފުލުނެވެ. އިސްލާމްއާބާދު އެމްއޯޔޫއަށްފަހު އަގުތައް ކުޑަކޮށް ދަށަށް ދިޔަ ނަމަވެސް، މުދާ އުފުލުމުގެ ހުރަސްތައް އަލުން ކުރިމަތިވިއެވެ. އިންޑިއާގެ ހަކަތައިގެ ސަލާމަތްތެރިކަން ބަރޯސާވަނީ ދާއިމީ ޙައްލަކަށެވެ، ނާޒުކު ހަމަލާ ބަދަލުކުރުން ހުއްޓާލުމަކަށް ނޫނެވެ.
ހަކަތައިގެ އިތުރުން، އިންޑިއާއިން ޕާކިސްތާން ބައިޕާސްކޮށް، އަފްޣާނިސްތާނާއި މެދުތެރޭ އޭޝިއާއަށް ދިއުމުގެ ދޮރާށީގެ ގތުގައި ބޭނުންކުރާ އީރާނުގެ ޗާބަހާރު ބަނދަރަށް ކޮށްފައިވާ އިންވެސްޓްމަންޓްގެ ފުރިހަމަ ފައިދާ ލިބޭނީ، އީރާނުގެ ބައިނަލްއަޤްވާމީ މަޤާމު އާދައިގެ ޙާލަތަކަށް ރުޖޫޢަވެ، ދަތިކުރުމުގެ ފިޔަވަޅުތައް ލުއިވުމުންނެވެ.
އިންޑިއާއިން ވަނީ އެއްބަސްވުމުގެ ޙައްޤުތަކާއި އިންފްރާސްޓްރަކްޗާ ދަމަހައްޓާފައެވެ. އެއީ ޙާލަތު ތަންދިނުމުން ހަލުވިކަމާއެކު ކުރިއަށް ދިއުމަށެވެ. އެހެންކަމުން، މަޝްވަރާގެ މޭޒުދޮށުން ނުފެނުނު ނަމަވެސް، އިންޑިއާއިން ވަނީ ހިމޭން ހަކަތައިގެ ޑިޕްލޮމަސީ، ނުރަސްމީ ގުޅުންތައް އަދި ބޮޑު އިމްޕޯޓަރެއްގެ ގޮތުގައި އޮތް ބާރުގެ ބޭނުންކޮށްގެން ނަތީޖާތަކަށް ނުފޫޒު ފޯރުވާފައެވެ.
އެގޮތުން މުހައްލިލުން ދެކެނީ ޕާކިސްތާނުގެ މެދުވެރިވުމަކީ ދިފާޢީ ޑިޕްލޮމަސީއެކެވެ. އޭގެ ބޭނުމަކީ މައްސަލަތަކުގެ ތެރެއަށް ވަނުން ހުއްޓުވުމާއި އެޤައުމުގެ ތަޞައްވުރު ރަނގަޅުކުރުމެވެ.
މިއާ ޚިލާފަށް އިންޑިއާއިން މިކަމުގެ ތެރެއަށް ނުވަދެ ތިބުމުން، ލުއިފަސޭހަކަން ދެމެހެއްޓެއެވެ. އަދި ދާއިމީ ހަމަޖެހުމެއް އަތުވެއްޖެނަމަ، އަގުހެޔޮ ހަކަތައާއި، އަލުން ދިރިގެންދާ ގުޅުންތަކާއި، ފުޅާވާ ސަރަޙައްދީ ނުފޫޒުގެ ޒަރީޢާއިން އެންމެ ބޮޑު ފައިދާއެއް ނެގުމަށް ވިސްނަިއގެން ތައްޔާރުވިއެވެ.
