އިންޑިއާގައި އިނގިރޭސި ރޮކް ބޭންޑް ކޯލްޑްޕްލޭގެ ކާމިޔާބު ކޮންސަޓާ ގުޅިގެން، ބޮޑުވަޒީރު ނަރެންދުރަ މޯދީ "ކޮންސަޓް އިޤްތިޞާދު" ގެ މުހިންމުކަން ފާހަގަކުރައްވައިފި އެވެ. މޮދީ ވިދާޅުވަނީ، މިއީ އިންޑިއާއަށް ލިބުނު ބޮޑު އިޤްތިޞާދީ ފުރުޞަތެއްގެ ނިޝާނެއް ކަމަށެވެ. އިންޑިއާގައި ދިގު މުއްދަތެއް ވަންދެން ލައިވް ޝޯތައް ބާއްވަމުން ގެންދެއެވެ. ނަމަވެސް، ކޯލްޑްޕްލޭގެ ކޮންސަޓުގެ މިންވަރާއި ބޮޑުކަން ވަނީ މީގެ ކުރިން ނުދެކޭފަދަ ދިރުމެއް އައިސްފިކަން މޮދީ ފާހަގަކުރައްވައެވެ.
ކޯލްޑްޕްލޭގެ ކޮންސަޓުގެ ކާމިޔާބީއާއެކު، ބޮޑުވަޒީރު މޯދީ ވަނީ "ކޮންސަޓް އިކޮނޮމީ" ގެ މުހިންމުކަން ފާހަގަކުރައްވައި، އެކަމަށް ބާރުއަޅުއްވައި މަސްއޫލު ފަރާތްތަކުގެ ސަމާލުކަމަށް އެކަން ގެންނަވާފައެވެ.
އަހުމަދާބާދުގައި ބޭއްވި މި ކޮންސަޓުން އިންޑިއާގެ އިޤްތިޞާދަށް 1.72 ބިލިއަން ޑޮލަރުގެ ނަފާއެއް ލިބުނު ކަމަށް ލަފާކުރެވެއެވެ.
މި ކޮންސަޓުން އެނގުނު އެންމެ މުހިންމު އަނެއް ކަމަކީ، ދުރުމިނަކީ ހުރަހެއް ނޫންކަމެވެ. އަހުމަދާބާދުގެ ނަރެންދުރަ މޯދީ ސްޓޭޑިއަމްގައި ދެ ރޭ މަތިން ބޭއްވި "މިއުޒިކް އޮފް ދަ ސްފިއަރސް ވޯލްޑް ޓުއަރ" ގައި 220,000 އަށްވުރެ ގިނަ މީހުން ދުރުތަނުން ދަތުރު ހަދައިގެން އައިސް ބައިވެރިވިއެވެ. އާންމުކޮށް ހިންދީ ސަގާފަތަށް ބީޖޭޕީން ބާރުއަޅާއިރު، އަހުމަދުއާބާދުގައި ވެރިކަން ކުރާ ބީޖޭޕީއަށް މިފަހަރު ދީން މަތިން ހަނދާނެއް ނުކުރެވުނެވެ.
މިއީ މިފަހަކަށް އައިސް އިންޑިއާގައި ބޭއްވި އެންމެ ބޮޑު ސްޓޭޑިއަމް ކޮންސަޓެވެ. އަހުމަދާބާދުގެ ޝޯތަކުގެ ކުރިން، ނަވީ މުންބާއީގެ ޑީ.ވައި. ޕަޓޭލް ސްޓޭޑިއަމްގައިވެސް ޝޯއެއް ބެއްވިއެވެ.
އެންމެ ދަށްކޮށް އަންދާޒާކުރާ އިރުވެސް އަހުމަދާބާދުގެ ކޮންސަޓަށް ހާޒިރުވި މީހުންގެ ތެރެއިން 70 އިންސައްތަ މީހުން އައިސްފައިވަނީ ދުރުން، އެހެން ސަރަޙައްދުތަކުންނެވެ.
