އިންޑިއާގެ ދިއްލީގައި ހުރި ޖަސްޓިސް ޔަޝްވަންތް ވަރްމާގެ ގޭގައި މާރޗް 2025 ގައި އަލިފާން ރޯވުމުގެ ސަބަބުން، ގުދަނެއްގައި ފޮރުވާފައި ހުރި ގިނަ އަދަދެއްގެ ފައިސާ އަނދާފައި ވަނިކޮށް ފެނިއްޖެއެވެ. ސުޕްރީމް ކޯޓުން ކުރި ތަޙުޤީޤުގައި ހާމަވީ މި ފައިސާއަކީ ދޮޅު ފޫޓުގެ އުސްމިނުގައި ބޮނޑި ބޮނޑިއަށް ފުނި ޖަހާފައިވާ ނޫޓު ބޮނޑިތަކެއް ކަމަށެވެ. ނަމަވެސް ޖަސްޓިސް ވަރްމާއާ ސުއާލު ކުރުމުން މި ފައިސާ ލިބުނު ގޮތެއް ބުނެދޭން ނޭނގުނެވެ.
ވަރްމާ ވަނީ އެއްވެސް ކުށެއް ކޮށްފައި ނުވާކަމަށް ބުނެ މިއީ ރޭވިގެން ކުރެވޭ ކަމެއް ކަމަށް ބުނެފައެވެ. ފައިސާ ހުރި ގުދަން ތަޅުލާފައި ހުރުމާއި، އެތަނަށް ވަދެވެނީ ހަމައެކަނި ވަރްމާއާއި އޭނާގެ އާއިލާއަށް ކަމަށްވުމުން، އެހެން ފަރާތަކުން މިކަން ކޮށްފައިވާކަމަށް ބެލެވޭކަށެއް ނެތެވެ. އަލިފާން ހިފާފައި ވަނީ ކަރަންޓު ސްވިޗްބޯޑު ކައިރީގައި ހުރި ބަނގުރާ ރައްކާކުރާ ތަނެއްގެ ސަބަބުންނެވެ.
މި ހާދިސާއަށްފަހު ވަރްމާގެ މުވައްޒަފުން އަނދާފައިވާ ފައިސާ ނެގުމަށް މަސައްކަތްކޮށްފައިވާކަން ފާހަގަކުރެވިފައިވެއެވެ. މިހާރު ވަރްމާ ވަނީ އިލާހްއާބާދު ހައި ކޯޓަށް ބަދަލުކުރެވިފައެވެ. ނަމަވެސް އޭނާއަށް މަސައްކަތެއް ހަވާލުކުރެވިފައެއް ނުވެއެވެ. އިންޑިއާ ސަރުކާރުން މިހާރު ވިސްނަމުންދަނީ ވަރްމާ މަގާމުން އަޒުލު ކުރުމުގެ އިޖުރާއަތުތަކެއް ހިންގާށެވެ.
