އިންޑިއާގެ ކެރަލާ ސްޓޭޓަށް ނިސްބަތްވާ 26 އަހަރުގެ ޒުވާނެއް ކަމަށްވާ ބިޕިން، އޭނާގެ ބޮޑު ހުވަފެނެއް ހަގީގަތަކަށް ހަދައިފިއެވެ. ކޮލިޓީ އެޝުއަރެންސް ދާއިރާގައި މަސައްކަތްކުރާ ބިޕިން ވަނީ ބޭނުން ނުކުރެވޭ ބާ ކާރުތަކުގެ ސާމާނާއި އޮމާންޓިނާއި ފައިބަރު ބޭނުންކޮށްގެން، މަޝްހޫރު އަގުބޮޑު ލެމްބޯގީނީ ކާރެއްގެ ނަކަލެއް އަމިއްލައަށް ހަދައި، އެންމެން ހައިރާންކޮށްލާފައެވެ.
މީޑިއާ ރިޕޯޓުތައް ބުނާ ގޮތުގައި، ބިޕިންގެ މި މަސައްކަތަށް ބޮޑު ބަޖެޓެއް ނުވަތަ ކުރިއަރާފައިވާ މެޝިނަރީއެއް ބޭނުމެއް ނުވެއެވެ. އޭނާ ވަނީ ހަލާކުވެފައިވާ ކާރުތަކުގެ ބައިތައް އެއްކޮށްގެން، އަސްލު ކާރާ ގާތްގަނޑަކަށް އެއްގޮތަށް ބޭރު ފަރުމާކޮށް އުވާ އުޅަނދެއް ބަނދެފައެވެ.
މި ކާރު ދުއްވަން ކުރަން ބޭނުންކޮށްފައިވަނީ 'މަރޫޓީ ސުޒުކީ އަލްޓޯ' ކާރެއްގެ ފުރޮޅުތަކާއި އިންޖީނެކެވެ. މިއީ އޭނާގެ އީޖާދީ ރޫޙާއި، މަދު ވަޞީލަތްތައް ބޭނުންކޮށްގެންވެސް އަގުބޮޑު ހުވަފެނެއް ޙަޤީޤަތަކަށް ހެދުމުގެ ޤާބިލުކަން ދައްކައިދިން ކަމެކެވެ.
ލެމްބޯގީނީގެ އަސްލު ކާރުތަކުގައި ބޭނުންކުރާ އަގުބޮޑު ހައިޑްރޯލިކް ނިޒާމުގެ ބަދަލުގައި، ބިޕިން ވަނީ ވަރަށް ވިސްނުންތެރި ހައްލެއް ހޯދާފައެވެ. އޭނާ ވަނީ ކާރުގެ ވިންޑް ޝީލްޑް ވައިޕަރ މޯޓަރެއް ބޭނުންކޮށްގެން ސާދާ ނިޒާމެއް އީޖާދުކޮށްފައެވެ. މި މޯޓަރުން ބޭނުން ކުރާ ޚާއްސަ މެކޭނިކަލް ނިޒާމުން މަގުމަތީގެ ހުރަސްތައް ލައިގަންނަ ހިނދު ކާރު އުފުލައި ލައެވެ. މި ނިޒާމު މަސައްކަތް ކުރަނީ ފިތަކަށް ފިއްތާލުމުންނެވެ.
