އިނގިރޭސިވިލާތުގެ އުމުރުން 15 އަހަރުގެ ކުއްޖަކު ޓިކެޓެއް ނެތި އޮޅުމަކުން ނުބައި ފްލައިޓެއްގައި އިންޓަރނޭޝަނަލް ދަތުރެއް ނަގައިފިއެވެ. ލަންޑަނަށް ދިއުމުގެ ބަދަލުގައި މިކުއްޖާއަށް ދެވުނީ އިޓަލީގެ މިލާނަށެވެ.
މިކުއްޖާ އިއްޔެ ފުރީ، ސްޕެއިންގެ މެނޯރްކާ ޖަޒީރާގެ އެއާޕޯޓުންނެވެ. އޭނާ ދަތުރު ކުރަން ޖެހެނީ ލަންޑަންގެ އެއާޕޯޓަކަށް ޝެޑިއުލް ކޮށްފައިވާ ޓީޔޫއައި ފްލައިޓެއްގައެވެ. އެފްލައިޓަށް އަރަން މައިންބަފައިންނާއެކު ތައްޔާރުވަމުން ދަނިކޮށް ޑިޕާޗާ ލައުންޖުގައި ކުއްޖާ މައިންބަފައިންނާ ވަކިވިއެވެ.
ގެއްލިގެން ކުއްޖާ ހޯދުމުން އެނގުނީ ސެކިއުރިޓީ ބައިޕާސްކޮށް، އޮޅިގެން އިޓަލީގެ މިލާނަށް ދިޔަ އީޒީޖެޓް ފްލައިޓެއްގައި ޓިކެޓެއް އަދި ބޯޑިންގ ޕާހެއްވެސް ނެތި ނައްޓާލީ ކަމަށެވެ.
ކުއްޖާ ގެއްލުނުކަން އިއުލާން ކޮށް ސެކިއުރިޓީ އެލާޓެއް ދިނުމުން ސްޕެއިންގެ ފުލުހުން ވަނީ އެއާޕޯޓްތަކުގައި ގެއްލިގެން ހޯދާ ކުދިންނަށް ކުއްލި ހާލަތުގައި ބޭނުންކުރާ ނިޒާމު އެކްޓިވޭޓްކޮށްފަ އެވެ.
ސީސީޓީވީ ބެލުމަށް ފަހު އޯޓިސްޓިކް ކުއްޖާ ދަތުރުކުރި ބޯޓު ހޯދައި ގަނެވުނެވެ.
މި ހަދިސާއާ ގުޅިގެން އެއާޕޯޓްގެ ސަލާމަތީ ކަންކަމާއި އެއާލައިންގެ ފަރުވާ ކުޑަކަން ސަމާލުކަމަށް އައިސް އެކަމާ މެދު މަސްއޫލުވެރިން ދަނީ ފިޔަވަޅު އަޅަމުންނެވެ.
