އަމިއްލަ ކުންފުނިތަކުން ހުށަހަޅާފައިވާ އިންވެސްޓްމެންޓް ހުށަހެޅުންތައް އިތުރުވި ނަމަވެސް މަރުކަޒީ ސަރުކާރާއި އަދި ސްޓޭޓް ސަރުކާރުތަކުގެ ކުންފުނިތަކުން ހުށަހަޅާފައިވާ އައު ޕްރޮޖެކްޓްތައް ވަނީ ވޭތުވެދިޔަ 15 އަހަރާއި އަޅާ ބަލާއިރު އެންމެ ދަށް މިންވަރަށް ވެއްޓިފައެވެ. އަދި އޭގެ އިތުރުން ބޭރުގެ އިންވެސްޓްމަންޓް ޕްރޮޕޯސަލްތައްވެސް ވަނީ މި ދިޔަ 5 އަހަރުގެ ތެރޭގައި ރެކޯޑް ކުރެވުނު އެންމެ ދަށް މިންވަރަށް ގޮސްފައެވެ.
އިގްތިސާދީ ދާއިރާގެ ފަރާތްތަކުން ފާހަގަކުރާ ގޮތުގައި އަމިއްލަ އިންވެސްޓްމަންޓްތައް އާދަޔާ ޚިލާފަށް އިތުރުވެފައިވަނީ އިންޑިއާގެ ބާޒާރުގެ ޑިމާންޑު އިތުރުވުމާއި، އިންފްރާސްޓްރަކްޗަރއަށް އަންނަ ތަރައްޤީއާއި، އެކި ދާއިރާތަކަށް ގެނެވުނު އިސްލާހުތަކުގެ ސަބަބުންނެވެ. އެހެންނަމަވެސް، ސަރުކާރާއި ބޭރުގެ އިންވެސްޓްމަންޓްތައް ދަށްވެފައިވުމަކީ އިޤްތިޞާދީ ކުރިއެރުމާއި ބައިނަލްއަޤްވާމީ އިންވެސްޓަރުންގެ އިތުބާރާމެދު ކަންބޮޑުވާންޖެހޭ ކަމެއް ކަމުގައިވެސް ފާހަގަ ކޮށްފައި ވެއެވެ.
