އެމެރިކާގެ ރައީސް ޑޮނަލްޑް ޓްރަމްޕް ވަނީ އީރާނުން އަލުން ނިއުކްލިއަރ ޕްރޮގްރާމް އާރާސްތުކުރަން މަސައްކަތް ކޮށްފިނަމަ އަނެއްކާވެސް ހަމަލާދޭނެ ކަމުގެ އިންޒާރު ދީފައެވެ. އަދި އީރާނުގެ ނިއުކްލިއަރ ކުޅަދާނަކަން ފުނޑުފުނޑުކޮށްލެވިފައި ކަމަށް ޓްރަމްޕް ބުނެއެވެ.
އީރާނުން ބުނަނީ، ބައިނަލްއަގްވާމީ ހަކަތައާ ބެހޭ އިދާރާއަށް ބަދަލު ތަކެއް ގެންނަން ޖެހޭ ކަމަށާއި އީރާނުގެ ސިޔާދަތަށް ހީނަރުކަމެއް ލިބޭ އެއްވެސް ނިންމުމެއް އީރާނުން ތަންފީޒު ނުކުރާނެ ކަމަށެވެ. އަދި ޓްރަމްޕް ދައްކާ ބިރަކށް ނުސިހޭނެ ކަމަށްވެސް ބުނެއެވެ.
މިދިޔަ ޖޫން މަހު، 12 ދުވަހަށް ޔަހޫދީން ވަނި އެމެރިކާގެ ވާގިވެރިކަމާއެކު އީރާނަށް ޓެރަރިސްޓް ހަމަލަތަކެއް ދީފައެވެ. ޔަހޫދީން ވަނީ އީރާނުގެ ނިއުކްލިއަރ މަރުކަޒުތަކަށާއި ސައިންޓިސްޓުންނަށާއި ސްކޫލުތަކަށާއި އަސްކަރީ އަދި އާންމުން ދިރިއުޅޭ އިމާރާތްތަކަށް ހަމަލާދީފައެވެ. މީގެ ތެރޭގައި ރެވޮލިއުޝަނަރީ ގާޑުގެ ކޮމާންޑަރާއި، ސިފައިންގެ އެންމެ އިސްވެރިޔާ އަދި ފާހަގަކޮށްލެވޭ ނިއުކްލިއަރ ސައިންޓިސްޓުން ޝަހީދުކޮށްލުން ހިމެނެއެވެ. މިހަމަލަތަކަށް ރައްދު ދިނުމުގެ ގޮތުން އީރާނުން ވަނީ އިސްރާއީލުގެ އެކި ސަރަހައްދުތަކަށް މިސައިލް ހަމަލާތަކެއް ދީ، ޔަހޫދީން ގިއްގަޅުވާލާފައެވެ. މިއީ ޔަހޫދީންގެ ތާރީޚުގައި ދެވަނަ ދައުލަތް އުފެދުނު ފަހުން އެމީހުންނަށް އެއްވެސް ގައުމަކުން ދިން އެންމެ ބޮޑު ގެއްލުމެވެ.
އިސްރާއީލުގެ ޓެރިސްޓް ހަމަލާތަކާއެކު، އެމެރިކާއިން ވަނީ އީރާނުގެ 3 ނިއުކްލިއަރ މަރުކަޒަކަށް ޓެރަރސިްޓް ހަމަލާދީފައެވެ. އެ ހަމަލަތަކަށް ފަހު އެމެރިކާގެ ރައީސް ބުނެފައިވަނީ އީރާނުގެ ނިއުކްލިއަރ ޕްރޮގްރާމް މުޅިން ނައްތާލެވިފައިވާ ކަމަށެވެ. ނަމަވެސް، ޓްރަމްޕްގެ ފޮނިކެނޑުމާ ޚިލާފަށް އެމެރިކާގެ މަސްއޫލު އިދާރާތަކުން މި ޓެރަރިސްޓް ހަމަލާގެ ނަތީޖާއާ މެދު ޝައްކު ކުރެއެވެ. އަދި ބޭނުންވި މަގްސަދު ހާސިލު ވެފައި ނުވާކަމަށް ބުނެއެވެ.
