އީރާނުގެ ފުރަތަމަ ހައިބްރިޑް ރިމޯޓް ސެންސިން އަދި މުވާސަލާތީ ސެޓެލައިޓް ކަމަށްވާ "ޑުއަލް ވިއު 1″ ސެޓެލައިޓް ޖައްވަށް ފޮނުވާލުމުގެ ތައްޔާރީތައް ނިމިއްޖެއެވެ. ކުރިއަށް އޮތް ހަފްތާތަކުގައި މި ސެޓެލައިޓް އޯބިޓުގައި ބެހެއްޓޭނެއެވެ.
މި ސެޓެލައިޓް އުފެއްދި ނޮލެޖް ބެސްޓް ކުންފުނީގެ ސީއީއޯ ހުސެއިން ޝަހުރާބީ ވިދާޅުވީ މިއީ ކައުސަރު ސެޓެލައިޓާއި ހުދުހުދު ސެޓެލައިޓްގެ ފަހުން އެއަށް ވުރެން ރަނގަޅަށް ތަރައްގީކޮށް އީރާނުން ފޮނުވާ ސެޓެލައިޓެއް ކަމަށެވެ.
އޭނާ ވިދާޅުވީ ޑުއަލް ވިއު 1 ފަރުމާކޮށްފައިވަނީ އީރާނުގެ ފުރަތަމަ ގުޅިފައިވާ ރިމޯޓް ސެންސިންގެ ނިޒާމުގެ ސެޓެލައިޓެއްގެ ގޮތުގައިއާއި މުވާސަލާތީ ބޭނުމަށް ބޭނުން ކުރާނެ ސެޓެލައިޓެއްގެ ގޮތުގައެވެ.
ޝަހުރާބީ ވިދާޅުވީ ޑުއަލް ވިއު 1 ލޯންޗު ކުރަން ހަމަޖެހިފައިވަނީ އީރާނުގެ އަޒާރު މަހު (ނޮވެމްބަރު 22 – ޑިސެމްބަރު 21) ގައި ކައުސާރާއި ހުދުހުދު ފޮނުވާން ބޭނުން ކުރި ލޯންޗާ ބޭނުންކޮށްގެންނެވެ. އީރާނަކީ އެމެރިކާގެ ސަހުޔޫނީ، 12 ދުވަހުގެ އުދުވާނީ ހަނގުރާމައަށް ފަހު އެމެރިކާގެ މުވާސަލާތީ ނިޒާމުތައް ބޭނުން ކުރުން ހުއްޓާލާފައިވާ ގައުމެކެވެ.
