އިންޑިއާގައި ނޫސްވެރިކަމުގެ މިނިވަންކަމާ މެދު ބައިނަލްއަގްވާމީ ގޮތުން ފާރަވެރިކަން އިތުރުވަމުންދާ ދަނޑިވަޅެއްގައި، އިންޑިއާގެ މީޑިއާގެ ރިކޯޑް އިންޑިއާއިން ދިފާއު ކުރެއެވެ. އިންޑިއާއިން ބުނަނީ އެގައުމުގެ މީޑިއާގެ ވެށްޓަކީ ގާތުން ބަލާއިރު، ކުރިއަށްވުރެ ބޮޑަށް ދިރުމެއް އައިސްފައިވާ ވާދަވެރި މީޑިއާ މާހައުލެއް ކަން ހާމަވެގެންދާނެ ކަމަށެވެ. ފާޑުކިޔުންތެރިން ވަނީ އިންޑިއާގެ ގިންތިކުރުން ދަށްކޮށްފައި ކަމަށް ބުނފައެވެ. ނަމަވެސް ބިންމަތިން ފެންނަ ހަގީގަތަކީ ޚިޔާލުތަފާތުވުންތައް ދަމަހައްޓާފައިވާ ތަން ކަމަށާއި އެކަމުގެ ސަބަބުން ޑިމޮކްރެސީގައި ކުލަޖެހިގެންދާ ތަން ފެންނަ ކަމަށެވެ.
އިންޑިއާ މިއަދު ފަޚުރުވެރިވަނީ ދުނިޔޭގައި ހުރި އެންމެ ގިނަ އަދި ތަފާތު މީޑިއާ ގިނަ ވެށްޓަކަށް ވެފައިވާ ކަމެވެ. އިންޑިއާގައި އެތައް ހާސް ނޫސްތަކާއި، އެތައް ސަތޭކަ ޓީވީ ޗެނަލްތަކަކާއި، ހަލުވިކަމާއެކު ފުޅާވަމުން އަންނަ ޑިޖިޓަލް މީޑިއާ ދާއިރާއަކާއެކު، މައުލޫމާތު ފެތުރުމުގެ މަންޒަރު ވަނީ އެކި ކުލަތަކާއި ފިކުރުތަކުން ކުލަ ޖެހިފައެވެ.
އެކްސް އާއި އިންސްޓަގްރާމް، އަދި ޔޫޓިއުބް ފަދަ ޕްލެޓްފޯމްތައް ވަނީ އިންޑިއާގެ މައުލޫމާތު ފެތުރުމުގެ އާ އާންމު މައިދާންތަކަކަށް ވެފައެވެ. ދިރިއުޅުމުގެ ހުރިހާ ދާއިރާއަކުން ރައްޔިތުންނާއި މަސައްކަތްތެރިންނާއި ދަނޑުވެރިންނާއި ދަރިވަރުންނާއި ކޮމެޑީ ކުޅުންތެރިން މިހާރު ވަނީ ކުރިން ގޭޓްކީޕަރުންގެ ގޮތުގައި ތިބި އެޑިޓަރުން ބައިޕާސްކޮށް ސީދާ އެމީހުންގެ އަމިއްލަ ވާހަކަތައް ހިއްސާކުރަން ފަށާފައެވެ. މި ޑިމޮކްރެޓައިޒޭޝަންގެ ސަބަބުން ޚިޔާލު ތަފާތުވުންތަކާއި ގޯސް މައުލޫމާތު ފެތުރުނު ނަމަވެސް ތަހުލީލު ކުރާ ފަރާތްތަކުން ބުނާ ގޮތުގައި މިއީ ދުނިޔޭގެ އާންމު ގޮންޖެހުމެއް ކަމަށާއި އެއީ ހަމައެކަނި އިންޑިއާއަށް އޮތް ގޮންޖެހުންތަކެއް ނޫން ކަމަށެވެ.
އިންޑިއާގެ ކޮމެޑީ ތަރިންނާއި ފަންނާނުންނާ ދެކޮޅަށް ފިޔަވަޅު އެޅުމުގެ ހާދިސާތަކުގެ ސަބަބުން ބަހުސްތަކެއް އުފެދިފައިވީ ނަމަވެސް މިކަންކަމަކީ ދައުލަތުގެ ފިއްތުންތަކުގެ ގޮތުގައި ފްރޭމް ނުކުރުމަށް ތަޖުރިބާކާރުން އިންޒާރު ދެއެވެ.
ހުޅަނގުގެ ޑިމޮކްރަސީތަކުގައި މިފަދަ ޚިޔާލުތަފާތުވުންތައް ގިނަ ފަހަރަށް ސަގާފީ ބަހުސްތަކެއްގެ ގޮތުގައި ފްރޭމް ކުރެވޭއިރު، އިންޑިއާގައި އެކަންކަން ތަޙައްމަލު ނުކުރެވޭ ގޮތަށް ލޭބަލް ކުރާ ކަމަށް އޮބްޒާވަރުން ފާހަގަކުރެއެވެ. މި ތަފާތުވުމަކީ، ބައެއް މީހުން ބުނާ ގޮތުގައި، އިންޑިއާގެ ޑިމޮކްރަސީގެ ދުޅަހެޔޮކަމަށް ވުރެ ބޮޑަށް ދުނިޔެއިން ދައްކާ އެއްފަރާތަށް ބުރަވެފައިވާ ވާހަކައެކެވެ.
ސެންސޭޝަނަލިޒަމް އާއި ސިޔާސީ ގޮތުން އެއްފަރާތްވުން ފަދަ ގޮންޖެހުންތަކާ ކުރިމަތިލާން ޖެހުނު ނަމަވެސް އިންޑިއާގެ މީޑިއާގައި އޮތީ ވަރުގަދަ ވާދަވެރިކަމެއް ކަމަށާއި ހަރުއަޑުން ވާހަކަ ދައްކާ ފެންވަރުގައި ކަމަށް އިންޑިއާއިން ބުނެއެވެ. މި އާ މީޑިއާގެ ނިޒާމާއި މެދު ނުތަނަވަސްކަން އުފެދިފައިވަނީ އަސްލު ކަންބޮޑުވުމަށްވުރެ ބޮޑަށް މާޒީއަށް އެނބުރި ދިއުމަށް ކަމަށް ތަހުލީލު ކުރާ ފަރާތްތަކުން ލަފާކުރެ އެވެ.
