އިނގިރޭސިވިލާތުގެ ބޮޑުވަޒީރު ކޭއާ ސްޓާމަރ އިންޑިއާއަށް ކުރެއްވި ދަތުރުފުޅުގައި ބޮޑުވަޒީރު ނަރެންދުރަ މޯދީއާ ބައްދަލު ކުރައްވައިފިއެވެ. މޮދީ ވަނީ "ޑިމޮކްރެޓިކް މުޖުތަމައުތަކުގައި ހަރުކަށިކަމާއި ޓެރަރިޒަމަށް ޖާގައެއް ނެތް" ކަމަށް ވިދާޅުވެ، ޚާލިސްތާނީ ހަރުކަށި ފިކުރުތަކާ ދެކޮޅަށް ހަރުދަނާ ފިޔަވަޅު އެޅުމަށް ގޮވާލައްވާފަ އެވެ. ދެ ލީޑަރުން ވަނީ ޚާލިސްތާނީ ޓެރަރިޒަމާ ދެކޮޅަށް ގާނޫނީ އެއްބާރުލުން ދިނުމަށް ބާރުއަޅުއްވާފައެވެ.
އޭގެ އިތުރުން އިނގިރޭސިވިލާތުގެ ނުވަ ޔުނިވާސިޓީއަކުން އިންޑިއާގައި ކެމްޕަސް ހުޅުވަން ނިންމައިފި ކަމަށްވެސް މޮދީ ވަނީ ވިދާޅުވެފައެވެ.
ދެ ގައުމުން މުހިންމު މިނިވަން ވިޔަފާރީގެ އެއްބަސްވުމެއް ތަސްދީގު ކުރަމުންދާއިރު، ޖުލައި މަހުން ފެށިގެން ދެ ފަރާތުގެ ވިޔަފާރި މިހާރު ވަނީ ހަ ބިލިއަން ޕައުންޑުން ކުރިއަރާފައެވެ.
ސްޓާމަރު ލީޑް ކުރެއްވަނީ އިސްތިއުމާރު ނިމުނު ފަހުން މިހާތަނަށް އިނގިރޭސިވިލާތުން އިންޑިއާއަށް އަންނަ އެންމެ ބޮޑު ވިޔަފާރި ވަފްދެވެ. މިއީ އީސްޓް އިންޑިއާ ކުންފުނިން އިންޑިއާ އިސްތިއުމާރު ކުރި ފަހުން އަންނަ އެންމެ ބޮޑު ވިޔަފާރި ވަފްދެވެ. މީގައި މަތީ ފަންތީގެ ވިޔަފާރިވެރިންނާއި ޔުނިވާސިޓީގެ ވައިސް ޗާންސެލަރުން ހިމެނޭ ކަމަށެވެ.
