ޣައްޒާގައި ޖެނޮސައިޑް ހުއްޓާލުމަށް އެއްބަސްވެ މަހާސިންތާއެއް ބޭއްވިނަމަވެސް މިސްރުން ބޭނުން ވަނީ މި ކަމުގައި ވީހާވެސް ގިނަ ގައުމެއްގެ ސަޕޯޓު ހޯދާށެވެ. އަދި މިސްރުން ބޭނުން ވަނީ ޣައްޒާގައި ބައިނަލްއަގްވާމީ ލަޝްކަރެއް ބޭއްވުމަށާއި ސުލްހައިގެ ޕްލޭނަށް އދގެ ސަލާމަތީ މަޖިލީހުގެ ރުހުމެވެ.
ނިއުޔޯކު ޓައިމްސްއިން ބުނާ ގޮތުގައި މިސްރުން ހޯދަން ބޭނުންވާ ޔަގީން ކަމަކީ އެމރިކާއަށް އިތުބާރު ކުޑަ ވުމާއި ޔަހޫދީން މީގެ ކުރިންވެސް ތަކުރާރުކޮށް އެއްބަސްވުމާ ޚިލާފް ވެފައިވާތީ އެފަދަ ކަމަކަށް އެމީހުން ފުރުސަތު ނުދޭން ވެގެންނެވެ.
މިޞްރުން ސަލާމަތީ މަޖިލީހުން މި ޕްލޭނަށް ރުހުން ދިނުމަށް ހުށަހެޅި ހުށަހެޅުމަށް އެމެރިކާއާއި އިސްރާއީލުން ރަސްމީކޮށް މިހާތަނަށް އެއްވެސް އެއްޗެއް ބުނެފައެއް ނުވެއެވެ. ނަމަވެސް ނިއުސްވީކް މަޖައްލާގެ ލިޔުންތެރިޔާ ޕީޓަރ ރޮފް ބުނެފައިވަނީ، މި އެއްބަސްވުމުގައި އދ އަށް އެއްވެސް ދައުރެއް ދޭން ޓްރަމްޕް ބޭނުމެއް ނުވާނެ ކަމަށެވެ.
